جاستار ورتالىعى كومەككە ءزارۋ

جيىنعا وبلىستىق, قالالىق جانە اۋداندىق جاستار رەسۋرس­تىق­ ورتالىقتارىنىڭ باسشى­لا­رى قاتىسىپ, ايماقتاعى وزەك­تى ماسەلەلەردى جان-جاقتى تال­قىلاپ, ۇسىنىس-پىكىرلەرىن ورتا­عا سالدى. باستى ماقسات – مەم­لەكەتتىك جاستار ساياساتى جۇيە­سىندەگى جۇمىستىڭ ساپاسى مەن تيىمدىلىگىن ارتتىرۋدا مەكە­مە­لەردىڭ قىزمەتىن جانداندىرۋ. Astana IT ۋنيۆەرسيتەتىندە ۇيىم­د­استىرىلعان وتىرىستا الدى­مەن شىمكەنت جانە استانا قالا­لىق جاستار رەسۋرستىق ورتا­لىق­تارىنىڭ اتقارعان جۇمىسى تىڭ­دا­ل­دى.

– بۇگىندە جاستار رەسۋرستىق ورتا­لىعى 5 باعىت بويىنشا­ جۇ­مىس ىستەپ جاتىر. ياعني جاستارعا قىز­مەت كورسەتۋ, تالانتتى جاستاردى قولداۋ, كوۆوركينگ ورتالىعى, شاعىن كىتاپحانا, پسيحولوگيالىق كەڭەس بەرۋ باعىتتارى نەگىزىندە جاس­تار ساياساتىن جۇزەگە اسىرۋ­ بويىنشا ورتالىقتىڭ جىلدىق جوسپارى بەكىتىلدى. قولجەتىمدى جانە ساپالى ءبىلىم بەرۋدى قام­تا­ما­سىز ەتۋ, عىلىمي-تەحنيكالىق الە­ۋەتتى دامىتۋ, جاستار اراسىندا مەملەكەتتىك باعدارلامالاردى ناسي­حاتتاۋ جۇمىستارى بويىنشا 625 ءىس-شارا ۇيىمداستىرىلىپ, 83 مىڭنان اسا جاس قامتىلدى. جىل سوڭىنا دەيىن 120 مىڭ جاس­تى قامتۋ جوسپاردا بار. دەن­ساۋ­لىق ساقتاۋ جانە سالاماتتى ءومىر سالتىن قالىپتاستىرۋ باعى­تى بويىنشا 352 ءىس-شارا ۇيىم­داس­تى­رىلىپ, 27 مىڭنان استام جاس قام­تىلدى. جىل اياعىنا دەيىن 39 مىڭ ازاماتتى قامتۋ كوزدەلىپ وتىر, – دەدى شىمكەنت قالالىق جاستار رەسۋرستىق ورتالىعىنىڭ باسشىسى ماعجان يساحوۆ.

باسقوسۋدا جرو جۇمىسىنىڭ ساپاسى تۋرالى زەرتتەۋ تانىستىرىلدى. وندا ماماندار ايماقتاعى مەكەمەلەردىڭ ينفراقۇرىلى­مىن, باعدارلامالارى مەن ءار­تۇرلى ءىس-شارالارىن تالداپ,­ كادرلاردىڭ بىلىكتىلىگىن سارا­لا­عان. ناتيجەسىندە, وڭىردەگى ورتالىقتاردىڭ جۇمىسى 40 پا­يىز دەڭگەيىندە باعالانعان.

– ءبىز كوبىنەسە جاستار رە­سۋرس­­تىق ورتالىقتارىنىڭ ينفرا­قۇ­رى­لىم ماسەلەسىن العا تارتامىز. ەگەر باسقا كورسەتكىشتەرمەن سالىستىرساق, بۇل پروبلەما ازدى-كەم شەشىلدى. ال كادرلاردىڭ بىلىكتىلىگى, جۇمىسىمىز قان­شا­لىقتى جاستاردىڭ قىزى­عۋ­شىلىعىن تۋدىرادى, قاجەت­تىك­تەرىنە ساي كەلە مە دەگەن سەكىلدى ماسەلەلەر وزەكتىلىگىن ارتتىرىپ تۇر. سوندىقتان وسى ءتۇيىندى تارقاتۋعا نازار اۋدارۋ قاجەت. ياعني «جاستار رەسۋرستىق ورتالىعى دەگەنىمىز نە؟» دەگەن ساۋالعا ءبىر-ەكى سوزبەن جاۋاپ بەرەتىندەي دەڭگەيگە جەتۋىمىز كەرەك, – دەدى جرو جۇمىسىن پيلوتتاۋ بو­يىنشا يۋنيسەف-يۋنفپا-عزو بىرلەسكەن جوبا­سىنىڭ جەتەكشىسى نۇرلىباي ناۋرىزباەۆ.

باعالاۋعا وڭىردەن كەلگەن جاستار رەسۋرستىق ورتالىقتارى باسشىلارىنىڭ ءبىرازى كەلىسپەدى. ويتكەنى مۇنداي زەرتتەۋلەرگە ايماقتىڭ گەوگرافيالىق ەرەك­شە­لىكتەرىن دە ەسكەرۋگە ءتيىس. ماسەلەن, تۇركىستان وبلىسىندا جاس­تاردىڭ سانى 650 مىڭنان اسىپ جىعىلادى. ال ولارمەن تىكە­لەي جۇمىس ىستەيتىن مامان سانى – نەبارى 430 ادام. دەمەك كەي باعىتتاردى جۇيەلى ىسكە اسى­رۋدا جۇمىس ساپاسى اقساۋى ىقتي­مال. وسى رەتتە مادەنيەت جانە اقپارات مينيسترلىگى جاستار جانە وتباسى ىستەرى كوميتەتى توراعا­سى­نىڭ ورىنباسارى روللان قۇس­پان­ قاتىسۋشىلارعا بۇل جالپى­لا­ما­ كورسەتكىش ەكەنىن ەسكە سالدى.

– جالپى, جاستار رەسۋرستىق ورتالىقتارىندا بىرنەشە ماسەلە بار. ءبىرىنشىسى, مامانداردىڭ ايلىق جالاقىسى از. ەكىنشىسى, جاستارعا قاجەتتى ينفراقۇرىلىم جوق. ياعني عيماراتىمىز زامان تالابىنا ساي كوپفۋنكتسيو­­نالدى كوۆوركينگ ەمەس. سالدارىنان جاستار ورتالىقتارعا كەلگىسى كەلمەيدى. ءۇشىنشىسى, مامان­دارىمىزدىڭ كاسىبي بىلىكتىلىك دەڭگەيى. پرەزيدەنت اكىمشىلىگىنىڭ تاپسىرماسىمەن ستراتەگيالىق جوسپارلاۋ جانە رەفورمالار اگەنتتىگى جاستار رەسۋرستىق ورتالىقتارىنىڭ جۇمىسىنا تولىققاندى تالداۋ جۇرگىزدى. الدىمەن استانا, الماتى, شىمكەنت قالالارىنىڭ, بار­لىق وبلىستىق جانە 29 اۋدان­ ورتالىعىنداعى جاستار رەسۋرس­تىق ورتالىقتارىنا تەلەفون ارقىلى حابارلاسقان. باسىم كوپشىلىگى جاۋاپ بەرمەگەن, جاۋاپ بەرگەنى جاستاردى جۇمىسپەن قامتۋ تۋرالى تولىققاندى اقپارات ۇسىنا الماعان. ءبىرى جۇمىسپەن قامتۋ ورتالىعىنا حابارلاسۋعا كەڭەس بەرسە, بىرەۋى عانا كوللەدجدە بوس جۇمىس ورنى بار ەكەندىگىن ايتقان. بۇعان قوسا, جۋرناليستەردىڭ كومەگىمەن 70 جاستار رەسۋرستىق ورتالىعىنا تەلەفون شالىپ, اقپارات الۋىن­ سۇراعان. تاعى دا ماردىمدى­ جاۋاپ بولماعان. 13-ءى عانا تىكەلەي بايلانىسقا شىقسا, قال­عاندارى اقپاراتتى پوشتاعا قو­سىم­شا جولدايتىنىن ايتقان. سونداي-اق ءبىر ازاماتتى سول ورتالىقتارعا ارنايى جىبەرگەن, 10 مەكەمەنىڭ باسشىسى ورنىندا بولماعان, قىزمەتكەرلەرى قالعان باسشىلاردىڭ جينالىس­تا, ءىسساپاردا ەكەندىگىن ايتسا, بىرقاتارى باسشىلارىنىڭ قايدا ەكەنىن بىلمەگەن. بۇل تالداۋ جۇمىستارىنىڭ ءبىر بولىگى عانا. بۇل رەتتە, بىرنەشە فاكتىنى نەگىزگە الىپ, ەڭ الدىمەن, جاستار رەسۋرستىق ورتالىقتارىنىڭ جۇمىسىن تۇبەگەيلى ستاندارتتاۋ قاجەتتىگىنە كوزىمىز جەتىپ وتىر. سوندىقتان جاستار ورتالىقتارىنىڭ جۇمىسىن ستاندارتتاۋ, مامانداردىڭ جالاقىسىن ءوسىرۋ, بىلىكتىلىگىن ارتتىرۋ بويىنشا ارنايى وقۋ باعدارلاماسىن ازىرلەۋ, فۋنكتسيونالدىق قىزمەتتەرىن جۇيەلەندىرۋ سىندى جۇمىس­تار­مەن اينالىسىپ جاتىرمىز, – دەدى ول.