كوكپەكتىدەگى ۇلتتىق ويىن ورتالىعى

– قازىر مۇندا 12 قىزمەتكەرگە ارنايى شتات ءبولىندى. كەلەسى جىلى ماماندار سانىن ارتتىرۋ جوسپارىمىزدا بار. جىل باسىنان بەرى اۋدان اكىمى دىلدابەك ورازباەۆ وسى يگىلىكتى ءىستىڭ ورىندالۋىنا تىكەلەي ۇيىتقى بولعانىن جۇرت جاقسى بىلەدى. قازىر بالالاردى اسىق, توعىزقۇمالاق, بەستاس, دويبى ويىندارىنا ۇيرەتەتىن ماماندار جۇمىسىن باستادى. ودان بولەك وقۋشىلارعا كوكپار, اۋدارىسپاق, جامبى اتۋ سياقتى ۇلتتىق ات سپورتى ويىن­دارىنىڭ ءتارتىبى مەن تەورياسى تۇسىن­دىرىلەدى. ۇلتتىق سپورت ويىندارىن بۇدان ءارى دالا توسىندە ەركىن دامىتىپ, ەل ابىرويىن ارتتىرۋعا ءبارىمىز دە اتسا­لىسامىز, – دەيدى ۇلتتىق سپورت ويىن­دارى ورتالىعىنىڭ باسشىسى باۋىرجان ءتۇسىپجانوۆ.

كوكپەكتىدە ات سپورتى ويىندارىنان ەرەك­شە جولعا قويىلعانى كوكپار ەكەنىنە داۋ جوق. اۋدان بويىنشا «كوكپەكتى-1», «كوكپەكتى-2» دەگەن ەكى كوماندا قۇرىلۋى سونىڭ باستى دالەلى. ورتالىقتىڭ اشىلۋ سالتاناتىندا ءسوز العان اۋدان اكىمى د.ورازباەۆتىڭ ايتۋىنشا, جاسىنان ات جالىنا جارماسىپ, قۇلاعىندا ويناپ وسكەن بالانىڭ وتان قورعاۋعا دەگەن قۇشتارلىعى زور بولماق. سول سەبەپتەن دە ات ۇستاپ, جۇيرىك باپتاۋدىڭ ءوزى ۇلكەن ونەر. قازىر كوكپەكتى اۋدانىنىڭ اۋىلدارىندا جىلقى باسىن كوبەيتىپ, تۇقىمىن اسىلداندىرۋعا دا دەن قويا باستاعاندار جەتەرلىك.

اۋدان تورىندەگى اتالعان ورتالىقتىڭ اشىلۋ سالتاناتىنان كەيىن كوكپەكتى اۋىلىنىڭ شەتىندەگى يپپودرومدا «تولا­عاي» ۇلت­تىق ات سپورتى ويىندارىنىڭ كورىگى قىزىپ جۇرە بەردى. كوماندالىق كوكپار بويىنشا 1-ورىنعا ماقانشى اۋىلى­نان كەلگەن ء(ۇرجار اۋدانى) كوكپار­شىلار قول جەتكىزسە, 2-ورىن تارباعاتاي­لىق سپورتشىلارعا بۇيىردى. 3-ورىندى ات سپورتى ويىندارىنىڭ وتۋىنە ۇيىتقى بولعان كوكپەكتىلىك كوكپارشىلار ەنشىلەدى.

ودان كەيىنگى ات جارىسىن دا جۇرت قىزىعا تاماشالادى. 15 شاقىرىمدىق توپ بايگە مەن 25 شاقىرىمدىق الامان بايگەدە دە كوكپەكتى اۋدانىنداعى «تا­لاپ» شارۋا قوجالىعىنىڭ باسشىسى رۋس­لان شايىرعازيننىڭ قوس جۇيرىگى قارا ءۇزىپ دارا كەلدى. ات سپورتى ويىندارىنا قاتىسقان جەڭىمپازداردىڭ بارلىعى دا قارجىلاي جۇلدەگە يە بولدى.

جارىستى ۇيىمداستىرۋشىلاردىڭ ايتۋىنشا, ۇلتتىق ات سپورتى ويىندارى ءداستۇرلى تۇردە جىل سايىن وتەتىن بولادى.