«قازىرگى زاماناعى سىن-قاتەرلەر اياسىندا ۇلتتىق جانە وڭىرلىك قاۋىپسىزدىك» تاقىرىبىنداعى عىلىمي-تەوريالىق كونفەرەنتسيانى اسكەري-ستراتەگيالىق زەرتتەۋلەر ورتالىعى ۇيىمداستىردى.
ءىس-شاراعا پارلامەنت پالاتالارىنىڭ دەپۋتاتتارى, كونستيتۋتسيالىق سوتتىڭ, قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ, اسكەري جوعارى وقۋ ورىندارىنىڭ, مەملەكەتتىك ورگانداردىڭ, حالىقارالىق ۇيىمداردىڭ, عىلىمي قوعامداستىق وكىلدەرى, سونداي-اق ەلىمىزدە اككرەديتتەلگەن اسكەري اتتاشەلەر قاتىستى.
قورعانىس مينيسترلىگى اسكەري ءبىلىم جانە عىلىم دەپارتامەنتىنىڭ باسشىسى, گەنەرال-مايور جۇمابەك احمەتوۆ قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ قۇتتىقتاۋ ءسوزىن جەتكىزدى.
ءمينيستردىڭ عىلىمي فورۋمعا قاتىسۋشىلارعا جولداۋىندا: «الەۋمەتتىك ۇدەرىستى, ەكونوميكالىق تۇراقتىلىق پەن ادىلەتتىلىكتى قامتاماسىز ەتە وتىرىپ, ءبىز حالىقتى قورعاۋ مەن بەيبىت بولاشاقتى قالىپتاستىرۋ ءۇشىن بەرىك نەگىز قالايمىز. بۇگىنگى كەزدەسۋ پىكىرلەر مەن تاجىريبەلەر, ازىرلەمەلەر مەن سىندارلى ۇسىنىستار الماسۋ ءۇشىن جەمىستى الاڭعا اينالىپ قانا قويماي, كەلەشەكتەگى جۇمىسقا وڭ سەرپىن بەرۋگە ءتيىس», دەپ اتاپ وتىلگەن.
كونفەرەنتسيا ءۇش تاقىرىپتىق بلوك بويىنشا, ونىڭ ىشىندە «اسكەري قاتەرلەر», «قازاقستاننىڭ سۋ قاۋىپسىزدىگى» جانە «وڭىردەگى تۇراقسىزدىقتىڭ الەۋمەتتىك-ەكونوميكالىق فاكتورلارى» تاقىرىبىندا ءوتتى. ءىس-شارانى ۇيىمداستىرۋشىلاردىڭ پىكىرىنشە, «قاۋىپسىزدىك» تەرمينى بۇگىندە كيبەركەڭىستىك پەن اقپاراتتىق تەحنولوگيالاردان باستاپ تابيعي رەسۋرستار مەن الەۋمەتتىك-ەكونوميكالىق تۇراقتىلىق ءۇشىن كۇرەسكە دەيىنگى كوپتەگەن ومىرلىك سالانى قامتيدى.
ەلىمىزدىڭ اسكەري دوكتريناسىندا اقپاراتتىق جانە پسيحولوگيالىق اسەر اسكەري قاۋىپسىزدىكتى قامتاماسىز ەتۋگە ەلەۋلى اسەر ەتۋى مۇمكىن فاكتورلارعا جاتقىزىلعانىن اتاپ ءوتۋ كەرەك. بۇگىنگى تاڭدا اقپاراتتىق كەڭىستىك قارسىلاسۋدىڭ جاڭا سالاسى رەتىندە قاراستىرىلۋى كەزدەيسوق ەمەس.
كونفەرەنتسيادا اتالعان ماسەلەلەرگە جان-جاقتى تالداۋ جۇرگىزىلىپ, ەڭ وزەكتى سىن-قاتەرلەر انىقتالدى جانە وڭىردەگى بەيبىتشىلىك پەن تۇراقتىلىقتى نىعايتۋعا باعىتتالعان ۇسىنىمدار ازىرلەندى.
كونفەرەنتسياعا قاتىسۋشىلار قاۋىپسىزدىك قاتەرلەرىنە قارسى ءىس-قيمىلدىڭ ءتيىمدى جانە تۇراقتى ستراتەگيالارىن قالىپتاستىرۋ ءۇشىن قاۋىپسىزدىك ماسەلەلەرىن تالقىلاۋعا ءوڭىردىڭ بارلىق ەلدەرىنىڭ ساراپتامالىق قوعامداستىعىن, كاسىبي جانە عىلىمي الەۋەتىن بەلسەندى تارتۋ قاجەتتىگىن اتاپ ءوتتى.