ۇلتتىق ستاتيستيكا بيۋروسى كەيىنگى جىلدارى ەلىمىزدە حالىق سانىنىڭ ءوسۋى 20%-عا ارتقانىن جاريا ەتتى. سوڭعى جۇرگىزىلگەن 2021 جىلعى ساناق بويىنشا قازاقستاندا جان سانى 19 186 015 ادامعا جەتتى, دەپ حابارلايدى Egemen.kz.
ءبىر قالا مەن ەكى وبلىستىڭ تۇرعىنى ەكى ميلليوننان استى: الماتى قالاسى تۇرعىندارىنىڭ سانى 2 030 285 ادامعا جەتسە, الماتى وبلىسىندا وسى كۇندە 2 146 576 ادام تۇرىپ جاتىر.
بەس جىل بۇرىن جەكە وبلىس بولىپ قايتا قۇرىلعان تۇركىستان وبلىسىندا 2 054 021 تۇرعىن بار. سلوۆەنيا, ماكەدونيا سىندى ەلدەردىڭ حالقى 2 ميلليوننان ەندى اسىپ جاتىر. ال ءبىزدىڭ ءبىر وبلىس پەن ەكى مەگاپوليستىڭ تۇرعىنى وسى مەجەگە جەتتى.
2009 جىلدان 2021 جىلعا دەيىنگى مەرزىمدە استانا قالاسىنداعى تۇرعىندار سانى 613 مىڭنان 1 234 مىڭعا ارتقان. ء ۇشىنشى مەگاپوليس ستاتۋسىن العان شىمكەنت قالاسىندا ون جىل بۇرىن 730 مىڭ حالىق بولسا, بۇگىندە بۇل شاھاردا 1 122,4 مىڭ ادام تۇرادى. ماڭعىستاۋ وبلىسىنىڭ حالقى دا سوڭعى ون جىلدىقتا كۇرت ارتىپ, 485 مىڭ دەگەن تسيفر 735 مىڭعا جەتتى.
ۇلتتىق ستاتيستيكا بيۋروسىنىڭ زەرتتەۋشىلەرى ەلدە ۋربانيزاتسيا كوشى كۇن ساناپ ۇلعايىپ بارا جاتقانىن دا ايتتى. بۇرىن قالا حالقىنىڭ ۇلەسى 56,1% بولسا, ءبىر مۇشەل مەرزىم ىشىندە 5%-عا ارتىپ, 61,2%-عا جەتكەن. ەسەسىنە اۋىل تۇرعىندارىنىڭ سانى 43,9%-دان 38,8 پايىزعا تومەندەدى.
اقتوبە, اتىراۋ, باتىس قازاقستان, قىزىلوردا, ماڭعىستاۋ, تۇركىستان وبلىستارىندا قالا تۇرعىندارىنىڭ سانىندا ءوسىم جوعارى. ۋربانيزاتسيا دەمەكشى, قاراعاندى وبلىسىنداعى تۇرعىننىڭ 80 پايىزى ياعني 1 ميلليوننان اسا ادام اۋىلدان قالا ستاتۋسىنا يە كورىكتى مەكەندە تۇرۋ ءۇشىن كوشىنىڭ باسىن شاھارعا بۇرعان. بۇل كۇندە كەنگە باي وڭىردەگى 1 ميلليوننان استام ادام قالالىق سانالادى.
استانا, الماتى ءھام شىمكەنت سىندى ءۇش قالادا كەيىنگى 12 جىل ىشىندە ءۇش بىردەي جاڭا اۋدان قۇرىلدى. حالىق سانى 50 مىڭنان 100 مىڭعا دەيىن جەتەتىن شاعىن قالالاردىڭ سانى بۇرىن 8 بولسا, بۇگىندە ولاردىڭ قاتارى 14-كە جەتتى.