پرەزيدەنت اۋدان ورتالىعى – ۇشتوبە قالاسىنداعى قاراتال تاريحي-ولكەتانۋ مۋزەيىنە باردى. مۋزەي بيىل پايدالانۋعا بەرىلگەن. جالپى اۋدانى 2520 شارشى مەتر بولاتىن قوس قاباتتى عيماراتتا ولكە تاريحىنا قاتىستى 350-گە جۋىق ەكسپونات قويىلعان, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنا مۋزەيدەگى ارحەولوگيالىق ارتەفاكتىلەر, ەتنوگرافيالىق جادىگەرلەر كورسەتىلىپ, قاراتال اۋدانىنىڭ تاريحى جانە جازۋشى كەمەل توقاەۆ, قازاق سسر حالىق ءارتىسى بيكەن ريموۆا, وسى وڭىردەن شىققان اقىن-جىراۋلار, بي-شەشەندەر مەن ەلگە ەڭبەگى سىڭگەن باسقا دا تۇلعالار تۋرالى تىڭ دەرەكتەر تانىستىرىلدى.
پرەزيدەنت مۋزەيدە جەرگىلىكتى زيالى قاۋىم وكىلدەرىمەن جۇزدەسۋ بارىسىندا مۇراجايدى ارالاپ شىققانىن جانە ونداعى جادىگەرلەردى كوبەيتۋ كەرەكتىگىن اتاپ ءوتتى. سونداي-اق قوعام دامۋى ءۇشىن مۇنداي مادەني نىسانداردىڭ قاجەت ەكەنىنە نازار اۋداردى.