قىتايدىڭ حانچجوۋ قالاسىندا ءوتىپ جاتقان جازعى ازيا پارا ويىندارىندا بالۋاندارىمىز 5 مەدال ولجالادى, دەپ حابارلايدى Egemen.kz تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
90 كەلىگە دەيىنگى سالماقتا كۇرەسكەن جانبوتا امانجول (J2) پارا دزيۋدودان كۇمىس مەدال الدى. فينالدىق بەلدەسۋدە وڭتۇستىك كورەيا بالۋانى لي دجۋنگتەن جەڭىلدى. 90 كەلىدەن جوعارى سالماق دارەجەسىندە ەرلان وتەپوۆ تە فينالدا ءسۇرىنىپ, موڭعول سپورتشىسى گانبات داشتسەرانعا ەسە جىبەردى.
J2 ساناتى بويىنشا 90 كەلى سالماقتا كۇرەسكەن عالىمجان سماعۇل ۇلى قولا جۇلدە ءۇشىن وتكەن تارتىستى بەلدەسۋدە وزبەك بالۋانىنان باسىم ءتۇستى.
90 كەلىدەن جوعارى سالماقتا ەرلان قوڭقيەۆ قىتايلىق قارسىلاسىن 10:0 ەسەبىمەن ايقىن ۇتىپ, جازعى ازيا پارا ويىندارىنىڭ قولا جۇلدەسىن ەنشىلەسە, وسى سالماقتا كۇرەسكەن تاعى ءبىر وتانداسىمىز تالعات اجعاليەۆكە دە قولا مەدال بۇيىردى.