ابىزدىڭ باتاسى

اينالايىندارىم, بۇگىن, مىنە, قاي­سار حالقىمىز­دىڭ عاسىرلار بويى اڭساعان ازات زامانىن, جاڭارعان مەملەكەتىمدى كورىپ وتىرمىن.

وركەنى وسكەن بايتاق ەلىمىزدىڭ بىرلىگىن نىعايتىپ, رۋحىن كوتەرەتىن باس مەرەكەمىز باياندى بولىپ, مىڭجىلدىقتارعا ۇلاسسىن! 

ەلىمىزگە بەرەكە بەرسىن,

ريزىق-نەسىبە مول بولسىن,

ءار وتاۋ وردا بولسىن,

ءىشى جانعا, سىرتى مالعا تولسىن.

ەڭبەك يگىلىككە باستاسىن,

پەيىل جاماندىققا باسپاسىن.

ازاتتىقتىڭ جۇلدىزى سونبەسىن,

ۇل-قىزىمىز اداسۋعا كونبەسىن.

بابالار وسيەتىن قازىق ەتەيىك,

اقىل مەن ءبىلىمدى ازىق ەتەيىك.

ءاۋمين!

قاسىمحان الدابەرگەن ۇلى,

مايدانگەر, جۋرناليست

قوستاناي