پرەزيدەنت بەيجىڭ لينگۆيستيكالىق ينستيتۋتىندا تاعىلىمدامادان وتكەن كەزىندە وزىنە ءدارىس بەرگەن پروفەسسور ليۋ شيتسينمەن سويلەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
– 40 جىلدان كەيىن ءبىلىم العان ۋنيۆەرسيتەتىمە كەلىپ, ءوزىڭىزدى امان-ساۋ كورگەنىمە وتە قۋانىشتىمىن. مەن ءسىزدىڭ ەڭبەكقورلىعىڭىزدى, تاباندىلىعىڭىز بەن ەرىك-جىگەرىڭىزدى ەرەكشە باعالايمىن. ءسىزدىڭ شاكىرتتەرگە بەرگەن بىلىمىڭىزگە باعا جەتپەيدى. مۇنىڭ ءبارى ءسىزدىڭ كاسىبيلىگىڭىزدى, ىجداعاتتىلىعىڭىزدى جانە ءوز ىسىڭىزگە دەگەن ادالدىعىڭىزدى كورسەتەدى. قۇرمەتتى دەمالىستا ەكەنىڭىزدى بىلەمىن. سوعان قاراماستان, ۋنيۆەرسيتەتتىڭ قوعامدىق ومىرىنە اتسالىسۋدى جالعاستىرىپ, مادەنيەتارالىق بايلانىستاردىڭ دامۋىنا زور ۇلەس قوسىپ ءجۇرسىز, – دەدى مەملەكەت باسشىسى.
قاسىم-جومارت توقاەۆ ليۋ شيتسينگە العىس ايتىپ, وعان زور دەنساۋلىق پەن ۇزاق ءومىر تىلەدى.
مۇنان سوڭ مەملەكەت باسشىسىنا ۋنيۆەرسيتەتتە وقىعان كەزىندەگى ءوزىنىڭ ارحيۆ قۇجاتتارىن كورسەتتى.
ءىس-شارا سوڭىندا پرەزيدەنت بەيجىڭ ءتىل جانە مادەنيەت ۋنيۆەرسيتەتىنە ءابۋ ناسىر ءال-ءفارابيدىڭ پورترەتىن سىيلاپ, وسى وقۋ ورنىندا ءبىلىم الىپ جاتقان قازاقستان ستۋدەنتتەرىمەن اڭگىمەلەستى.