دىندەردى زەرتتەۋ ورتالىعى 12 قازاندا استانا قالاسى اكىمدىگىنىڭ قولداۋىمەن ەلوردانىڭ تەولوگتارى مەن ءدىنتانۋشىلارىنا ارنالعان رەسپۋبليكا كۇنىنە ارنالعان سەمينار ۇيىمداستىردى. بۇل تۋرالى قالا اكىمدىگىنىڭ رەسمي سايتى حابارلادى, دەپ جازادى Egemen.kz.
ءىس-شاراعا مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ باسقارما باسشىسى ەرلان ەسبەرگەنوۆ, دىندەردى زەرتتەۋ ورتالىعىنىڭ ديرەكتورى الماس ەرنازاروۆ, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ءدىنتانۋ كافەدراسىنىڭ مەڭگەرۋشىسى كەڭشىلىك تىشحان, پسيحولوگيا عىلىمدارىنىڭ كانديداتى المات نۇرادينوۆ, ءدىن ىستەرى باسقارماسىنىڭ باس مامانى اديا رومانوۆا جانە ەلوردالىق تەولوگتار مەن ءدىنتانۋشىلار قاتىستى.
اتالعان سەمينار قازاقستاننىڭ ءدىن سالاسى بويىنشا 2021-2023 جىلدارعا ارنالعان مەملەكەتتىك ساياساتىن ىسكە اسىرۋدىڭ كەشەندى جوسپارىن ىسكە اسىرۋ اياسىندا مامانداردىڭ بىلىكتىلىگىن ارتتىرۋ, سونداي-اق ءدىني-ەكسترەميستىك جانە دەسترۋكتيۆتى سيپاتتاعى ءتۇرلى يدەولوگيالاردىڭ تارالۋىن بولدىرماۋ ماقساتىندا ۇيىمداستىرىلعان.
سەمينار بارىسىندا استانا قالاسى تەولوگتارى مەن ءدىنتانۋشىلارى ءدىني سالاداعى جۇمىسىنىڭ ەرەكشەلىكتەرىنە توقتالىپ, ولاردىڭ قىزمەتىندە ەنگىزىلىپ جاتقان جاڭا ءادىس-تاسىلدەر تالقىلاندى, سونىمەن قاتار قازاقستان رەسپۋبليكاسىنىڭ زاڭناماسى ءتۇسىندىرىلىپ, قازىرگى كەزدەگى سوڭعى جاڭالىقتار تىلگە تيەك ەتىلدى.
ايتا كەتسەك, وسىنداي سەمينارلار ءدىني سالاداعى جالپى قىزمەتتىڭ تيىمدىلىگىن ارتتىرۋ اياسىندا جىل سايىن ۇيىمداستىرىلادى.