مەملەكەت باسشىسى SpaceX كومپانياسىنىڭ Starlink ماسەلەلەرى جونىندەگى ۆيتسە-پرەزيدەنتى لورەن درەيەرمەن كەزدەسۋدە SpaceX عارىش تەلەكوممۋنيكاتسياسى سالاسىنداعى الەمدىك كوشباسشى كومپانيالاردىڭ ءبىرى ەكەنىن اتاپ ءوتتى, دەپ حابارلايدى Egemen.kz اقورداعا سىلتەمە جاساپ.
پرەزيدەنتتىڭ ايتۋىنشا, SpaceX كومپانياسىنىڭ ازىرلەمەلەرى جوعارى تەحنولوگيالاردىڭ دامۋىن ىنتالاندىرۋ ءۇشىن سۇرانىسقا يە ستراتەگيالىق قۇرالعا اينالدى. قازاقستان SpaceX كورپوراتسياسىن ءوزارا ءتيىمدى ىنتىماقتاستىق ورناتۋ ءۇشىن سەنىمدى سەرىكتەس رەتىندە قاراستىرادى.
ءوز كەزەگىندە لورەن درەيەر StarLink كومپانياسىنىڭ قازاقستانداعى قىزمەتىن كەڭەيتۋ جونىندەگى جوسپارى, اتاپ ايتقاندا, ەلىمىزدىڭ شالعاي اۋىلدارىن سپۋتنيكتىك ينتەرنەتپەن قامتاماسىز ەتۋ جوباسى تۋرالى ايتتى.