ەڭبەك جانە حالىقتى الەۋمەتتىك قورعاۋ مينيسترلىگى مەن تۋريزم جانە سپورت مينيسترلىگى ەتنيكالىق قازاقتاردىڭ «قانداس» مارتەبەسىن الۋعا ءوتىنىش بەرۋ پروتسەسىن جەڭىلدەتۋ ءۇشىن «eQonaq» اقپاراتتىق جۇيەسى نەگىزىندە قۇرىلعان «Kutty meken» بىرلەسكەن جوباسىن ىسكە قوستى, دەپ حابارلايدى Egemen.kz.
«Kutty meken» – ەتنيكالىق قازاقتارعا قانداس مارتەبەسىن بەرۋ بويىنشا مەملەكەتتىك قىزمەت كورسەتۋگە ارنالعان ءموبيلدى قوسىمشا.
ء«موبيلدى قوسىمشا مەملەكەتتىك قىزمەت كورسەتۋ پروتسەسىن ەداۋىر جەڭىلدەتەدى. ونىڭ كومەگىمەن شەتەلدە جۇرگەن ەتنيكالىق قازاقتار وزدەرى تۇرعان ەلدىڭ اۋماعىنان شىقپاي-اق «قانداس» مارتەبەسىن الۋعا ءوتىنىش بەرە الادى. «Kutty meken» جوباسىن ىسكە اسىرۋ ۋاقىتتى ۇنەمدەۋگە جانە قۇجاتتارمەن جۇمىس ىستەۋ پروتسەسىن جەڭىلدەتۋگە مۇمكىندىك بەرەدى», دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاماسىندا.
اتالعان قوسىمشانى پايدالانۋ ءۇشىن Android جانە IOS قولدانۋشىلارى Play Market جانە App Store-دان جۇكتەپ الۋىنا بولادى.