كاسىپقوي بوكستا WBO تۇجىرىمى بويىنشا ورتا سالماقتاعى الەم چەمپيونى دەگەن اتاققا يە جانىبەك ءالىمحان ۇلى كەزەكتى ايقاسىن 14 قازان كۇنى اقش-تىڭ روزەنبەرگ قالاسىندا وتكىزەدى, دەپ حابارلايدى Egemen.kz.
گەرمانيا بوكسشىسى ۆينچەنتسو گۋالتەريگە قارسى جەكپە-جەكتى Qazsport تەلەارناسى تىكەلەي ەفيردەن 15 قازان كۇنى تاڭعى ساعات 07:00-دەن باستاپ كورسەتەدى. «قازاقستان» تەلەراديوكورپوراتسياسى ايقاستى ەل اۋماعىندا كورسەتۋدىڭ قۇقىق يەسى اتاندى. جانىبەكتىڭ چەمپيوندىق بەلبەۋىن قورعايتىن جەكپە-جەگىن «Qazaqstan.tv» ءموبيلدى قوسىمشاسى مەن qazsporttv.kz سايتىنان دا تاماشالاۋعا بولادى.