سەناتتىڭ قارجى جانە بيۋدجەت كوميتەتىنىڭ دەپۋتاتتارى الماتى قالاسىنداعى «قازاقستان قور بيرجاسى» اق-دا بولدى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
«مەملەكەت باسشىسى قاسىم-جومارت توقاەۆتىڭ بيىلعى جىلعى 1 قىركۇيەكتەگى حالىققا جولداۋىن ىسكە اسىرۋ اياسىندا پارلامەنتشىلەر ەلىمىزدىڭ قور نارىعىنىڭ قىزمەتىنە بايلانىستى ماسەلەلەردى زەردەلەۋدى ودان ءارى جالعاستىردى. پرەزيدەنت ىشكى نارىقتىڭ اۋقىمى مەن تارتىمدىلىعىن ارتتىرۋ ماقساتىندا KASE جانە احقو الەۋەتىن بىرىڭعاي باسقارۋعا بىرىكتىرۋ ماسەلەسىن پىسىقتاۋ قاجەت ەكەنىن اتاپ ءوتتى», دەلىنگەن حابارلامادا. ء«ار ءتۇرلى ساراپتامالىق جانە تەحنيكالىق پىكىرلەر تۋىنداپ وتىر. بۇل ماسەلەنى ءبىز بۇگىن KASE بازاسىندا قارجى نارىعىن رەتتەۋ جانە دامىتۋ اگەنتتىگىنىڭ, ۇلتتىق بانكتىڭ وكىلدەرىمەن جانە باعالى قاعازدار نارىعىنىڭ كاسىبي قاتىسۋشىلارىمەن بىرگە تالقىلاپ وتىرمىز. قازىر حالىقارالىق تاجىريبەنى زەردەلەۋ ساتىسىندامىز. بيرجالار - ونىڭ بارلىق پروتسەستەرىن ۇزاق زەرتتەۋدى قاجەت ەتەتىن كۇردەلى ورگانيزم», دەدى سەناتور بەكبول ورىنباساروۆ. سەنات دەپۋتاتتارى قور بيرجالارىنىڭ باسشىلىعىمەن تىزە قوسىپ وسى سالانى زاڭنامالىق دەڭگەيدە ودان ءارى جەتىلدىرۋگە ىقپال ەتۋگە دايىن ەكەنىن ايتتى.