مەملەكەت باسشىسى قاسىم-جومارت توقاەۆ استانا قالاسىنداعى «SANA» وقۋشىلار سارايىن ارالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بەس قاباتتى زاماناۋي عيماراتتا 5-17 جاس ارالىعىنداعى جەتكىنشىكتەرگە ارنالعان 60-تان استام ۇيىرمە مەن سپورت سەكتسيالارى جۇمىس ىستەيدى. ولار تەحنيكالىق شىعارماشىلىق, ساندىك-قولدانبالى ونەر, الەۋمەتتىك عىلىمدار, مۋزىكا جانە حورەوگرافيا, سپورت سەكىلدى بىرنەشە باعىتقا بولىنگەن. ورتالىق ءبىر مەزگىلدە 700 بالانى قابىلداي الادى.
اۋماعى 7500 شارشى مەتر عيماراتتا سوڭعى ۇلگىدەگى تەحنولوگيالارمەن جابدىقتالعان وقۋ كابينەتتەرى, ءجۇزۋ باسسەينى, اكت زالى, پودكاست جانە فوتو ستۋديالارى بار.
مەملەكەت باسشىسى Lego قۇراستىرۋ, روبوتتى تەحنيكا, 3D-مودەلدەۋ جانە قىش ونەرى, ۇرمالى اسپاپتار, دومبىرا ۇيىرمەسى كابينەتتەرى مەن ءجۇزۋ باسسەينىن ارالاپ كوردى.
سونداي-اق پرەزيدەنت ورتالىقتىڭ وقىتۋشىلارىمەن, بالالارمەن جانە اتا-انالارمەن اڭگىمەلەستى.
ء«اربىر قالادا, اۋداندا وسىنداي ورتالىقتار اشىلۋى كەرەك. مەن جاقىندا بيزنەس وكىلدەرىمەن كەزدەسۋ وتكىزدىم. بۇل بالالار ءۇشىن, وسكەلەڭ ۇرپاق ءۇشىن قاجەت. سوندىقتان ءبىز بۇل ماسەلەگە باسا ءمان بەرەمىز», دەدى قاسىم-جومارت توقاەۆ.
«SANA» جاڭا ۇرپاق ورتالىعىن «Damu Development Group» كونسورتسيۋمى بيزنەستىڭ الەۋمەتتىك جاۋاپكەرشىلىگى اياسىندا سالعان. كومپانيا قۇرىلتايشىسى ابزال ساعىمباەۆ الداعى ۋاقىتتا بىرنەشە دامىتۋ ورتالىقتارىن, الەۋمەتتىك, دەنساۋلىق ساقتاۋ نىساندارىن سالۋ جوسپارلانىپ وتىرعانىن جەتكىزدى.
استانا قالاسىنىڭ اكىمى جەڭىس قاسىمبەك الداعى بەس جىلدا ەلوردا تورىندە وسىنداي 15 وقۋشىلار سارايى بوي كوتەرەتىنىن ايتتى. جاقىن كۇندەرى 5 بىردەي ورتالىقتىڭ قۇرىلىس جۇمىستارى باستالاتىنىن دا جەتكىزدى.