جاسىنداي جارقىلداپ جۇرگەن ويىنشى ايگىلى كلۋبتاردىڭ كوزىنە تۇسپەۋى مۇمكىن ەمەس. بىراق ول «قايراتتان» كەتەر مە ەكەن؟
كەي فۋتبولشىلار بىرنەشە كوماندا اۋىستىرعانمەن, ءوزىنىڭ ستيلىنە كەلەتىن كلۋبتى ارەڭ جولىقتىرىپ جاتادى.
«26-28 جاستا ويىنشىلارعا ەرەكشە كۇش ءبىتىپ, فۋتبولدىڭ نە ەكەنىن شىنايى تۇردە سەزىنىپ جاتادى. مەن دە ءدال قازىر سول جاستامىن. ءوزىمدى دامىتۋ ءۇشىن كۇن سايىن ەڭبەكتەنەمىن. ال «قايرات» ماعان ءبارىن بەرگەن كوماندا. ءبىر كەزدەرى رەسەيدىڭ «كراسنودارىندا» ازداپ دوپ تەۋىپ ۇلگەردىم. ۇزدىكتەردىڭ ءبىرى ەكەنىمدى دالەلدەۋىم ءۇشىن الاڭعا ءجيى شىعۋىم كەرەك. بىراق ىلعي دا شەت قالىپ جاتتىم. كوماندام جەڭىسكە جەتىپ جاتقاننىڭ وزىندە كوڭىلىمدەگى مۇڭ سەيىلە قويمادى. ەگەر مۇمكىندىگىم كوپ بولعاندا ناتيجەلى فورۆاردتىڭ ءبىرى بولار ەدىم», – دەپ ەسكە الدى.
«تيموششۋك بۋندەسليگاداعى ايگىلى «باۆاريا» كومانداسىندا, ال ارشاۆين «ارسەنال» مەن رەسەي قۇراماسىندا كوشباسشى ويىنشىلاردىڭ ءبىرى بولدى. الەمدىك دەڭگەيدەگى قوس جىگىت بىزگە كەلىپ, كاسىبي دەڭگەيگە كوتەرىلۋىمىزگە سەپتىگىن تيگىزدى. «قايرات» ماعان دەيىن دە وزىندىك ورنىن قالىپتاستىرىپ قويعان, ال تاڭداۋلى لەگيونەرلەر كەلگەننەن كەيىن جاقسارا ءتۇستى. قايرات بورانباەۆ (كلۋب باسشىسى) كوماندانى دامىتۋ ءۇشىن ۇلكەن ىستەر اتقارىپ ءجۇر», – دەدى يۆۋار ويىنشىسى.
«ول الاڭدا بىزگە ءجون سىلتەيتىن جانداردىڭ ءبىرى بولاتىن. فۋتبولدىڭ قىر-سىرىن جەتىك بىلەدى. بۇل ىستە دە ۇلكەن جەتىستىكتەرگە جەتەتىنىنە سەنىم ارتامىن. الەمدىك فۋتبولدا ۇلكەن بەلەستەردى باعىندىرۋىنا تىلەكتەسپىن!» – دەدى.
الماتىنىڭ كومانداسى وتكەن ماۋسىمدا چەمپيوندىقتان كەزەكتى مارتە قۇر قالىپ, ەل كۋبوگىنىڭ فينالىندا «استاناعا» جول بەرگەن.
يۆۋار ويىنشىسى بۇعان دەيىن ارىپتەستەرىنىڭ ازىلگە جاقىن ەكەندىگىن مالىمدەگەن.
بولاشاعىنان زور ءۇمىت كۇتتىرەتىن باۋىرجان يسلامحان 23 جاسىندا كاپيتان بولىپ ۇلگەردى. پرەمەر-ليگانىڭ بىرنەشە رەت ۇزدىك ويىنشىسى اتاندى.
«استانا» مەن «شاحتەر» چەمپيوندار ليگاسى مەن ەۋروپا ليگاسىنىڭ توپتىق كەزەڭىندە ويناپ ۇلگەردى. ەندىگى قازاق جانكۇيەرلەرى تاريحى تەرەڭ «قايراتتان» دا وسى ناتيجەنى كۇتىپ جۇرگەنى بەلگىلى.