قالالىق پد اكىمشىلىك پوليتسيا باسقارماسىنىڭ كەلىسىمى بويىنشا جول قوزعالىسى قاۋىپسىزدىگىن قامتاماسىز ەتۋ ماقساتىندا استانا-قاراعاندى تاس جولىندا, سونداي-اق قوشقارباەۆ پەن تاۋەلسىزدىك داڭعىلدارىنىڭ قيىلىسىندا جول توسەمىنە جوندەۋ جۇرگىزىلىپ جاتىر, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
جوندەۋ جۇمىسىنا بايلانىستى وسى جىلدىڭ 28 قىركۇيەگىنەن 3 قازانىنا دەيىن قوبدا اللەياسىنان ارمانداستار كوشەسىنە دەيىنگى استانا-قاراعاندى تاس جولىنىڭ ۋچاسكەسىندە كولىك قوزعالىسى ءىشىنارا جابىلادى.
سونىمەن قاتار جولدىڭ ورتاشا جوندەلۋىنە بايلانىستى 30 قىركۇيەكتەن 1 قازانعا دەيىن ر.قوشقارباەۆ - تاۋەلسىزدىك داڭعىلدارىنىڭ قيىلىسىندا كولىك قوزعالىسى ءىشىنارا جابىلادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت», دەلىنگەن اكىمدىك حابارلاماسىندا.