تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ۇسىنعان اقپاراتقا سايكەس, قازاقستان «بايقوڭىر» عارىش ايلاعىن رەسەيگە جالعا بەرۋ قۇنىن ءوسىرۋدى جوسپارلاپ وتىرعان جوق, دەپ جازادى Egemen.kz.
رۋسلان ابدىقالىقوۆتىڭ ايتۋىنشا, رەسەيگە بايقوڭىردى جالعا بەرۋ اقىسى وزگەرمەيدى.
«ەسكە سالا كەتسەم, ءبىر ەل ەكىنشى ەلدەن عارىش ايلاعىن جالعا الىپ وتىر دەگەن جاعداي الەمدە بىرەۋ عانا. ايلاقتى جالعا بەرۋ قۇنى دوللارمەن قاراستىرىلعان. كەلىسىم سونداي. تولەمدەر ۇلتتىق ۆاليۋتامەن جۇرگىزىلسە, وندا ول قازىرگى ۆاليۋتا باعامىنا تەڭ. بۇل دا - يندەكساتسيانىڭ ءبىر ءتۇرى», دەپ ءتۇسىندىردى تسدياوم اقپاراتتىق قاۋىپسىزدىك كوميتەتىنىڭ توراعاسى.