17 قىركۇيەكتە اتىراۋ قالاسىنىڭ اۋەجايىندا قازاقستاننىڭ قىزىل كىتابىنا ەنگەن 28 يتەلگى قۇسىن كونتراباندالىق جولمەن شەتەلگە شىعارماق بولعان شەتەلدىكتەر مەن قازاقستان ازاماتتارى ۇستالدى, دەپ حابارلايدى Egemen.kz ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە, ولار قۇستاردى تاياۋ شىعىس ەلدەرىنىڭ بىرىنە جەتكىزۋدى جوسپارلاعان. ۇيىمداستىرۋشىلاردىڭ ءبىرىنىڭ تۇرعىلىقتى جەرىن ءتىنتۋ بارىسىندا يتەلگى قۇسىن ۇستاۋعا ارنالعان ارنايى جابدىقتالعان بولمە, ولاردى ۇيىقتاتۋعا ارنالعان مەديتسينالىق پرەپاراتتار تابىلعان.
قر قىلمىستىق كودەكسىنىڭ 339-بابىنىڭ 3-بولىگى (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. كەلتىرىلگەن زالالدىڭ سوماسى 200 ملن تەڭگەدەن استام.
قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپاراتتار جاريالانبايدى.