اتالعان فەستيۆال كۇز مەزگىلىنىڭ ەڭ ماڭىزدى مادەني شارالارىنىڭ بىرىنە اينالماق. ەلوردا تۇرعىندارى مەن قوناقتارىنا قازاقستان, تۇركيا, جاپونيا, ۆەنگريا, گەرمانيا, پاكىستان, يسپانيا جانە رەسەيدىڭ ەڭ ۇزدىك ونەرپازدارى ونەرلەرىن كورسەتەدى. بۇل تۋرالى مادەنيەت جانە اقپارات مينيسترلىگىنىڭ ءباسپاسوز قىزمەتى جازدى, دەپ حابارلايدى Egemen.kz.
«ALEM SAZ» – الەم ەلدەرى مادەنيەتىن شىعارماشىلىق ىنتىماقتاستىق ارقىلى ءبىر پلاتفورمادا بىرىكتىرۋگە ارنالعان حالىقارالىق فەستيۆال. جوبا ۇلتتار مادەنيەتىن بىرىكتىرۋ, ساقتاۋ جانە دامىتۋ, الەم ەلدەرىنىڭ تاريحي مۇرالارى مەن مادەني قۇندىلىقتارىنا قۇرمەتپەن قاراۋعا نەگىزدەلگەن. حالىقارالىق مۋزىكا فەستيۆالى ەلارالىق دوستىق بايلانىستاردى كەڭەيتۋ مەن نىعايتۋعا جانە ونەر سالاسىنداعى حالىقارالىق ىنتىماقتاستىقتى دامىتۋعا ارنالعان.
فەستيۆال باعدارلاماسىندا شەتەلدىك ارتىستەردىڭ كونتسەرتتەرى, كينوكورسەتىلىمدەر, ساندىك-قولدانبالى ونەر كورمەسى جانە شەبەرلىك ساباقتارىن وتكىزۋ جوسپارلانعان.
فەستيۆال قر مادەنيەت جانە اقپارات مينيسترلىگىنىڭ جانە قر سىرتقى ىستەر مينيسترلىگىنىڭ قولداۋىمەن, سونداي-اق روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىنىڭ ۇيىمداستىرۋىمەن وتەدى.
«ALEM SAZ» حالىقارالىق فەستيۆالىنىڭ باعدارلاماسى:
27.09. – يسپانيا (ساع.19:00)
28.09 – رەسەي (ساع.19:00)
29.09 – تۇركيا (ساع.19:00)
30.09 – جاپونيا (ساع.18:00)
01.10 – پاكىستان جانە ۆەنگريا (ساع.17:00)
02.10 – رەسەي (ساع.19:00)
03.10 – گەرمانيا (ساع.19:00)
وتەتىن كۇنى مەن ۋاقىتى: 27 قىركۇيەك – 3 قاراشا, 17.00-19.00
وتەتىن جەرى: «QAZAQSTAN» وكز (ماڭگىلىك ەل, 10/1)