ءماجىلىس پەن پارلامەنتاريزم ينستيتۋتىنىڭ ۇيىمداستىرۋىمەن «قازاقستانداعى ويىن جانە لوتەرەيا بيزنەسىنىڭ ماسەلەلەرى جانە ولاردى شەشۋ جولدارى» تاقىرىبىندا دوڭگەلەك ۇستەل ءوتتى, دەپ حابارلايدى Egemen.kz تومەنگى پالاتانىڭ ءباسپاسوز قىزمەتىنە سىلتەمە جاساپ.
قىركۇيەك ايىندا مەملەكەت باسشىسى قاسىم-جومارت توقاەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا قۇمار ويىنعا تاۋەلدىلىك ماسەلەسى قارالىپ, پرەزيدەنت لۋدومانياعا قاتىستى كەشەندى شارالار قابىلداۋ قاجەتتىگىن تاپسىرعان ەدى.
سپورت جانە تۋريزم ۆيتسە-ءمينيسترى ەرجان ەركىنباەۆ لۋدومانيا سالاسىندا ءبىراز جۇمىس اتقارىلىپ جاتقانىنا نازار اۋداردى. پارلامەنتاريزم ينستيتۋتىنىڭ ديرەكتورى قاناتبەك سافينوۆ حالىق اراسىندا ويىن بيزنەسى پروبلەمالارىنىڭ ماڭىزدىلىعى مەن وزەكتىلىگىن اتاپ ءوتىپ, پرەزيدەنتتىڭ العا قويعان مىندەتتەرىن ەسكەرە وتىرىپ, لۋدومانيامەن كۇرەسكە باعىتتالعان شارالاردى قابىلداۋ قاجەتتىگىن اتاپ ءوتتى.
دوڭگەلەك ۇستەلگە جەتەكشىلىك ەتكەن ءماجىلىس دەپۋتاتى امانجول ءالتاي جيىندى قورىتىندىلاپ, كوتەرىلگەن ماسەلە شەشىمىن تابۋى ءتيىس ەكەنىن ايتتى.