وڭتۇستىك كورەيانىڭ جۇمىسپەن قامتۋ جانە ەڭبەك مينيسترلىگى مەن پوليتسياسى 47 جاستاعى قازاقستان ازاماتىنىڭ ولىمىنە قاتىستى تەرگەۋدى باستادى, دەپ حابارلايدى Egemen.kz.
پوليتسيانىڭ مالىمەتىنشە, قايعىلى جاعداي 21 قىركۇيەك كۇنى تاڭعى ساعات 8:25 شاماسىندا بولعان. قازاقستان ازاماتى سىرلاۋ جۇمىستارى جۇرگىزىلگەلى جاتقان تۇرعىن ءۇي كەشەنىنىڭ توبەسىنە قورعانىس تىرەكتەرىن ورناتۋ كەزىندە 18-قاباتتان قۇلاپ كەتتى.
قۇلاپ كەتكەن ازامات بىردەن اۋرۋحاناعا جەتكىزىلگەنىمەن, دارىگەرلەر ونىڭ قازا بولعانىن ايتتى.
سونداي-اق ول زاڭسىز جۇمىس ىستەگەن بولۋى مۇمكىن. سوندىقتان جۇمىس بەرۋشى جازاعا تارتىلمايتىنى انىقتالدى.
قازىرگى ۋاقىتتا ەڭبەك مينيسترلىگى ەڭبەك قاۋىپسىزدىگىنىڭ بۇزىلعان-بۇزىلماعانىن انىقتاپ جاتىر, ال پوليتسيا قىزمەتكەرلەرى جۇمىس ورنىندا كىسى ءولتىرۋ فاكتىسى بولعان-بولماعانىن تەكسەرىپ جاتىر.