مەملەكەت باسشىسى قاسىم-جومارت توقاەۆ نيۋ-يورككە ساپارى بارىسىندا وسى اپتانىڭ باستى وقيعاسى بۇۇ باس اسسامبلەياسىنىڭ 78-سەسسياسىنىڭ جالپى پىكىرسايىستارىنا قاتىستى. پرەزيدەنت ءوز سوزىندە حالىقارالىق ينستيتۋتتارعا نەگىزدەلگەن جاھاندىق باسقارۋدىڭ قولدانىستاعى جۇيەسىن تۇراقتاندىرۋ ءۇشىن ديالوگ پەن ديپلوماتيانىڭ ماڭىزىن اتاپ ءوتتى.
كەزدەيسوق داعدارىستار مەن جۇيەلى قيىندىقتارعا قاراماستان, بۇۇ جانە ونىڭ اگەنتتىكتەرى حالىقارالىق قاتىناستار جۇيەسىنىڭ ينستيتۋتسيونالدىق نەگىزىنىڭ وزەگى سانالادى. قازىرگى تاڭدا بۇۇ-عا الەمنىڭ مويىندالعان مەملەكەتتەرى مۇشە. ونىڭ جارعىسى حالىقارالىق قۇقىقتىڭ بارلىق قولدانىستاعى جۇيەسىن قۇرايدى.
مەملەكەت باسشىسى ۇلى دەرجاۆالار اراسىنداعى تەكەتىرەس پەن قاقتىعىستاردىڭ ورشۋىنە حالىقارالىق قۇقىقتىڭ ىرگەلى قاعيداتتارىنىڭ السىرەۋى سەبەپ بولعانىن اتاپ ءوتتى. مۇنىڭ الدىن الۋدىڭ ءبىر جولى – بۇۇ-نىڭ ورتالىق ورگانى قاۋىپسىزدىك كەڭەسىن رەفورمالاۋ. قازاقستان بۇل ۇدەرىستى «ورتا دەرجاۆالار» مەن دامۋشى ەلدەردىڭ ءرولىن كۇشەيتۋ ارقىلى جۇزەگە اسىرۋدى كوزدەيدى. مۇنداي پىكىردى باسقا دا كوشباسشىلار, سونىڭ ىشىندە گەرمانيا كانتسلەرى مەن جاپونيا پرەمەر-ءمينيسترى قولدادى.
ەلىمىز جاھاندىق يادرولىق قارۋسىزدانۋ كۇن تارتىبىندەگى كوشباسشى رولىنەن اينىعان ەمەس, حالىقارالىق ازىق-ت ۇلىك قاۋىپسىزدىگىن قامتاماسىز ەتۋدە ماڭىزدى ءرول اتقارۋعا نيەتتى. مەملەكەت باسشىسى الماتىدا ورتالىق ازياداعى كليماتتىڭ وزگەرۋى جانە جاسىل ەنەرگەتيكا بويىنشا جوبالىق كەڭسەسىن جانە بۇۇ-نىڭ ورتالىق ازيا مەن اۋعانستانعا ارنالعان وڭىرلىك ورتالىعىن ىسكە قوسۋ بويىنشا بىرقاتار ناقتى باستاما كوتەردى. سونداي-اق 2026 جىلى ەلىمىزدە بۇۇ-نىڭ ايماقتىق كليماتتىق ءسامميتىن وتكىزۋدى جوسپارلاپ وتىرمىز. بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋدى جاقتايمىز.
مەملەكەت باسشىسى بۇۇ باس اسسامبلەياسىنىڭ سەسسياسى اياسىندا 11 مەملەكەتتىڭ باسشىلارىمەن ەكىجاقتى كەزدەسۋ وتكىزدى. بۇل كەلىسسوزدەر سەرىكتەستەرمەن ستراتەگيالىق قارىم-قاتىناستارىمىزدىڭ ءتيىمدى دامۋىنا جول اشادى. مەملەكەتىمىزدىڭ ەكىجاقتى جانە كوپجاقتى باعىتتاعى بەلسەندى سىرتقى ساياساتىمەن قاتار ۇلتتىق دامۋ ماقساتتارىن جۇزەگە اسىرۋعا ىقپال ەتەدى.
ميراس جيەنباەۆ,
ستراتەگيالىق زەرتتەۋلەر ينستيتۋتى
ەۋروپالىق جانە امەريكالىق زەرتتەۋلەر ءبولىمىنىڭ جەتەكشى ساراپشىسى