“نۇر وتان” حدپ پارلامەنتاريزم ينستيتۋتىنىڭ باستاماسىمەن “استانا – دامۋشى ەۋرازيالىق ىقپالداستىقتىڭ نىشانى” تاقىرىبىنا ارنالعان دوڭگەلەك ۇستەل وتكىزدى. وندا ەۋرازيالىق ىقپالداستىقتىڭ ورتالىعى, قازاقستاننىڭ گۇلدەنۋىنىڭ سيمۆولى رەتىندە استانانى قالىپتاستىرۋ جانە العا جىلجىتۋ, ەلوردانى ناسيحاتتاۋ ماسەلەلەرى قارالدى.
استانا بۇگىن قازاقستان ءۇشىن بولاشاققا تالپىنۋدىڭ سيمۆولى, تاڭداعان ستراتەگيالىق جوسپارلارىمىزدىڭ تيىمدىلىگىنىڭ سيمۆولى. استانا – بۇل ەلدىڭ تابىستى ءتۇردە دامۋىنىڭ جارقىن مىسالى, دەدى شاراعا قاتىسۋشىلار.
مەملەكەت باسشىسى ن.ءا.نازارباەۆ: “استانانىڭ تاريحى – بۇل ءبىزدىڭ تاۋەلسىزدىگىمىزدىڭ تاريحى دەگەن بولاتىن”. استانا – قازاقستاندىقتاردىڭ بىرىگۋى مەن الەۋمەتتىك ىقپالداسۋىنىڭ سيمۆولى. رەسپۋبليكانىڭ بارلىق ەتنوستارى مەن كونفەسسيالارى وكىلدەرىنىڭ بەيبىت ءومىر ءسۇرۋى مەن ءوزارا قۇرمەتى ءبىزدىڭ ەلىمىزدىڭ جەتىستىگىنە اينالدى. الەمدىك قوعامداستىق ەگەمەندى قازاقستاننىڭ وسى دامۋعا ۇمتىلىسىنا قۇرمەتپەن قارايدى. يۋنەسكو-نىڭ استانانى “بەيبىتشىلىك قالاسى” دەپ تانىعانىنىڭ ۇستىنە, قازاقستاننىڭ سەرپىندى دامۋشى ەۋرازيالىق مەملەكەت رەتىندە حالىقارالىق يميدجىن قالىپتاستىرۋداعى ەلوردانىڭ ۇلەسى تۋرالى الەمدىك دارەجەدەگى ساياساتكەرلەر ءجيى مالىمدەپ ءجۇر.
اتالعان ءىس-شارا استانانى ەلىمىزدىڭ گۇلدەنۋىنىڭ جارقىن بەينەسى رەتىندە قالىپتاستىرۋ مەن العا جىلجىتۋدىڭ وزەكتى ماسەلەلەرى بويىنشا قوعامدىق ديالوگتى قامتاماسىز ەتۋگە, ەۋرازيالىق وداق قۇرۋ تۋرالى ەلباسى يدەياسىن قولداۋعا, ەۋرازيالىق ىقپالداستىقتىڭ ورتالىعى رەتىندە استانانىڭ بەيبىتشىلىك ءسۇيگىش جانە بىرىكتىرۋشىلىك فۋنكتسيالارىن اشۋعا, ەقىۇ توراعاسى رەتىندە قازاقستاننىڭ باستامالارىن العا جىلجىتۋعا ارنالدى.
دوڭگەلەك ۇستەلدىڭ جۇمىسىنا پارلامەنت دەپۋتاتتارى, مەملەكەتتىك ورگانداردىڭ, ءماسليحاتتاردىڭ, قازاقستان حالقى اسسامبلەياسىنىڭ, ساياسي پارتيالاردىڭ, حالىقارالىق ۇيىمداردىڭ, ازاماتتىق قوعام ينستيتۋتتارىنىڭ وكىلدەرى, عالىمدار, ساراپشىلار, سونداي بۇقارالىق اقپارات قۇرالدارىنىڭ وكىلدەرى قاتىستى.
“ەگەمەن-اقپارات”.