ۇلىتاۋ اۋدانىندا وتكەن «Kieli tabigat» ەكولوگيالىق اكتسياسى كەزىندە ءبىر عانا اۋليەتاۋ باۋرايىندا ۇيىمداستىرىلعان سەنبىلىككە 100-دەن استام جاس قاتىستى.
ەكولوگيالىق مادەنيەتتى ارتتىرۋدى ماقسات تۇتقان ءىس-شارا كەزىندە جاستار رەسۋرستىق ورتالىعى اۋليەتاۋ, (اقمەشىت اۋليە), ەدىگە, التىنشوقى تاۋلارى, تەرەكتى اۋليە پەتروگليفتەرى, دومباۋىل, جوشى حان, الاشا حان كەسەنەلەرى, حان ورداسى, بۇلانتى شايقاسى وتكەن كيەلى جەرلەردى قوقىستان تازارتىپ, وسى جەرلەردىڭ بارىندە سەنبىلىك ۇيىمداستىردى.
– سەنبىلىك بارىسىندا جەرگىلىكتى تۇرعىنداردىڭ, سونداي-اق كيەلى مەكەندەرگە ارنايى كەلەتىن تۋريستەردىڭ اينالانى بۇلدىرمەي تازا ۇستاۋعا داعدىلانىپ كەلە جاتقانىن كورىپ قۋاندىق. ويتكەنى, تاۋ ەتەگىنە قىدىرىستاپ كەلەتىن كوپشىلىكتىڭ سوڭىندا بۇرىن كوپ قوقىس قالاتىن. كەشەگى سەنبىلىكتە ءبىز مۇنى بايقامادىق. جەلمەن ۇشىپ كەلگەن ازدى-كوپتى قاعاز قالدىقتارى كەزدەسكەنى بولماسا, ايتارلىقتاي قوقىستى كورمەدىك. حالىق قوقىس شاشپاۋدى ۇيرەنىپ كەلەدى, – دەيدى ۇلىتاۋ اۋدانى جاستار رەسۋرستىق ورتالىعىنىڭ ينسپەكتورى اقەركە كارىموۆا.
ۇلىتاۋ وبلىسى