سەربيانىڭ بەلگراد قالاسىندا كۇرەس تۇرلەرىنەن الەم چەمپيوناتى باستالدى. جارىستىڭ العاشقى كۇنى كىلەمگە شىققان بالۋاندارىمىزدىڭ اراسىنان داستانبەك ءوسىمجان (61 كەلى) مەن ازامات داۋلەتبەكوۆ (86 كەلى) قولا مەدال ءۇشىن كۇرەستى جالعاستىرادى, دەپ حابارلايدى Egemen.kz تۋريزم جانە سپورت مينيسترلىگىنە قاراستى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
داستانبەك جۇبانىش بەلدەسۋلەرىندە بولگار ستيليان يانچيك, جاپون كوداي وگاۆا, قىرعىز تايىربەك جۇماشبەك ۇلىن جىعۋى ءتيىس. ال ازامات جارتىلاي فينالدا سۇرىنگەندىكتەن جۇبانىش بەلدەسۋلەرىندە جەڭىسكە جەتكەن بالۋانعا قارسى كۇرەسەدى. ەركىن كۇرەس بالۋاندارىنان كىلەمگە ەندى مەيرامبەك قارتباي (57 كگ), نۇرقوجا قايپانوۆ (74 كگ), بولات ساقاەۆ (79 كگ) پەن ريزابەك ايتمۇحان (92 كگ) شىعادى. سەربيا استاناسىنداعى پالۋاندار دوداسى 24 قىركۇيەكتە اياقتالادى.
77 مەملەكەتتەن جينالعان 1000-عا تارتا سپورتشى الەم چەمپيوناتىنىڭ مەدالى مەن پاريج جازعى وليمپياداسىنىڭ جولداماسى ءۇشىن كۇرەسكە تۇسەدى.
سەربيا ەلى بىلتىر دا 10-18 قىركۇيەك ارالىعىندا كۇرەس تۇرلەرىنەن الەم چەمپيوناتىن وسى Štark Arena سپورت كەشەنىندە وتكىزگەن بولاتىن.