پرەزيدەنت قاسىم-جومارت توقاەۆ ارالدى قۇتقارۋ قورىنىڭ قۇرىلتايشى مەملەكەتتەرى باسشىلارى كەڭەسىنىڭ كەلەسى وتىرىسىن قازاقستاندا وتكىزۋدى ۇسىندى, دەپ حابارلايدى Egemen.kz.
«بۇگىنگى سامميت تىعىز ىنتىماقتاستىق, ءوزارا ءتيىمدى سەرىكتەستىك جاساۋ جانە ءبىر-ءبىرىمىزدىڭ مۇددەلەرىمىزدى قۇرمەتتەۋ ارقىلى عانا ايماعىمىزدىڭ تۇراقتى دامۋىن, قاۋىپسىزدىگى مەن ەكونوميكالىق ءال-اۋقاتىن قامتاماسىز ەتە الاتىنىن انىق كورسەتىپ وتىر. ءبىزدىڭ كەزدەسۋىمىز سۋ سالاسىنداعى وڭىرلىك ىنتىماقتاستىقتى ودان ءارى نىعايتۋعا ىقپال ەتەتىن شەشىمدەردى ۋاقتىلى جانە بىرلەسە قابىلداۋعا مۇمكىندىك بەرەدى دەپ سەنەمىن», دەدى مەملەكەت باسشىسى.
قاسىم-جومارت توقاەۆ جوعارى دەڭگەيدەگى كەلەسى كەزدەسۋدى ءوزى باستاماشى بولعان بۇۇ اياسىنداعى ايماقتىق كليماتتىق سامميتپەن بىرىكتىرە وتىرىپ, 2026 جىلى قازاقستاندا وتكىزۋدى ۇسىندى.ء«سوزىمدى قورىتىندىلاي كەلە, قور قىزمەتىن مۇلدە جاڭا دەڭگەيگە كوتەرۋ ءۇشىن قازاقستان بار كۇش-جىگەرىن جۇمساۋعا دايىن ەكەنىن تاعى دا راستاعىم كەلەدى. قور جۇمىسىنا بارلىق قۇرىلتايشى مەملەكەتتىڭ بەلسەندى ارالاسۋى سۋ ماسەلەسىن ءتيىمدى شەشۋگە جانە ايماقتىق ينتەگراتسيانىڭ ودان ءارى نىعايۋىنا ىقپال ەتەرىنە سەنىمدىمىن», دەدى ول.
جيىندا سونداي-اق تاجىكستان پرەزيدەنتى ەمومالي راحمون, تۇرىكمەنستان پرەزيدەنتى سەردار بەردىمۇحامەدوۆ, وزبەكستان پرەزيدەنتى شاۆكات ميرزيوەۆ, قىرعىزستان مينيسترلەر كابينەتى توراعاسىنىڭ ءبىرىنشى ورىنباسارى ادىلبەك قاسىماليەۆ سوز سويلەدى.