استانا قالاسىنىڭ توتەنشە جاعدايلار دەپارتامەنتى مەن «سارىارقا» اۋدانى اكىمى اپپاراتى بىرلەسىپ, ەلورداداعى تۇرعىن ءۇي ءورتى كەزىندە ادامداردى قۇتقارعان اسقار زابيكۋليننىڭ قۇرمەتىنە مۋرال سالۋدى جوسپارلاپ وتىر, دەپ حابارلايدى Egemen.kz.
قۇتقارۋشىنىڭ بەينەسى قاي تۇرعىن ۇيگە سالىناتىنى ناقتىلاندى. مۋرالدى استاناداعى ن.تىلەنديەۆ داڭعىلى, 16 مەكەنجايىنداعى قاسبەتكە سالۋ تۋرالى شەشىم قابىلدانعان. قازىرگى ۋاقىتتا بۇل ماسەلە اتالعان مەكەنجايداعى ءۇيدىڭ تۇرعىندارىمەن كەلىسۋ ساتىسىندا تۇر.