جاپونيانىڭ وساكا قالاسىندا ءوتىپ جاتقان WTA 250 تۋرنيرىندە قازاقستاننىڭ تەننيسشىسى يۋليا پۋتينتسەۆا جاقسى ويىن ورنەگىن كورسەتۋدە.
جۇلدە قورى 259 303 اقش دوللارىن قۇراعان جارىستىڭ تۇساۋكەسەر كەزدەسۋىندە پۋتينتسەۆا رەسەيلىك ديانا شنايدەردى 6:2, 6:3 ەسەبىمەن ەش قينالماي ۇتتى. ەكىنشى كەزەڭدە ول رەسەيدىڭ تاعى ءبىر وكىلى ديانا ساۆينىحپەن سايىسقا ءتۇستى. بۇل جولى دا جەرلەسىمىز قارسىلاسىن وڭاي ەڭسەردى. 1 ساعات 19 مينۋتقا سوزىلعان باسەكە 6:1, 6:2 ەسەبىمەن اياقتالدى. شيرەك فينالدا ەلىمىزدىڭ ەكىنشى راكەتكاسى جاپونيالىق حيمەو ساكاتسۋمە مەن قىتايلىق سينيۋي ۆان اراسىنداعى كەزدەسۋدىڭ جەڭىمپازىمەن كۇش سىناسادى.
اتالعان تۋرنيردە WTA رەيتينگىندە 78 ورىندا تۇرعان يۋليا پۋتينتسەۆادان بولەك, قىتايلىق چجۋ لين (الەمنىڭ №35 راكەتكاسى), ارگەنتينالىق ناديا پودوروسكا (№82) جانە جاپونيالىق ناو حيبينو (№91) سىندى تانىمال تەننيسشىلەر ونەر كورسەتۋدە.