ۇلتتىق كۇننىڭ ۇلاعاتى

وتكەن سەنبىدە, “ەكسپو – شانحاي-2010” دۇنيەجۇزىلىك كورمەسىندە قازاقستان رەسپۋبليكاسىنىڭ ۇلتتىق كۇنىن وتكىزۋدىڭ سالتاناتتى ءراسىمى بولدى. ونىڭ اشىلۋىنا اۋىل شارۋاشىلىعى ءمينيسترى, قازاقستان دەلەگاتسياسىنىڭ باسشىسى ا.كۇرىشباەۆ پەن قىتاي حالىق رەسپۋبليكاسى كوممەرتسيالار جونىندەگى ءمينيسترىنىڭ كومەكشىسى چوۋ حونگ قاتىسىپ, قىسقاشا ءسوز سويلەدى.

قايسار ءالىم  – شانحايدان.

وسىنىڭ الدىندا عانا ەلىمىزدىڭ تۋىن ەكسپو اۋماعىنىڭ كىرە­بە­رى­سىندەگى جالاۋلار جەلكەنىنەن نەمەسە حۋانپۋ وزەنىنىڭ بويىمەن قا­تارلاسا ءجۇزىپ, ءار مەملەكەتتىڭ قاس­تەرلى نىشانىن وتشاشۋ استىن­دا سانىمەن الىپ وتكەن كىشكەنە قايىقتاردىڭ قىر جەلكەسىنەن كو­رىپ, سىرت جەردەن ءوز ەلمىزدىڭ ءمۇيىسىن تاپقانداي شاتتانعانبىز. ەندى, مىنە, كورمەدە ۇلتتىق كۇن اتالىپ وتۋىنە بايلانىستى مەم­لە­كەت­تىك تۋ سالتاناتتى تۇردە رەسمي كوتەرىلىپ, ءانۇران ورىندالدى. بۇل شاراعا قازاقستان, قىتاي دەلەگا­تسيا­لارى, بىرقاتار مەملەكەتتىڭ ديپلوماتيالىق وكىلدەرى, ەكسپو ۇلت­تىق پاۆيلوندارىنىڭ جەتەك­شى­لەرى, قالا جۇرتشىلىعى قاتىستى. ءوز سوزىندە ا.كۇرىشباەۆ قازاق­ستان­نىڭ مۇنداي ءىرى كورمەلەرگە 2000 جىلدان باستاپ قاتىسىپ ءجۇر­گەنىن, بۇل ءۇشىنشى باسەكە, سىناق ەكەنىن مالىمدەدى. كۇنىنە 5 مىڭعا جۋىق ادام كەلىپ, تاماشالايدى. ولار 1,5 مىڭ شارشى مەترگە قا­زاقستاندىق قۇرىلىسشىلاردىڭ كۇشىمەن تۇرعىزىلعان پاۆيلوندا, وزىق تەحنولوگيالار كومەگىمەن جالپى قازاقستان, ونىڭ ءىرى قالا­لارى تۋرالى تولىق مالىمەتتەرگە قا­نىعادى. مادەنيەتى, سالت-ءداس­تۇ­رى, ەكولوگياسى الاقانداعىداي اشى­لادى. ەلىمىزدىڭ 30-دان استام شىعارماشىلىق ۇجىمى جارتى جىل بويىنا كەلۋشىلەرگە كون­تسەرتتىك باعدارلامالارىن ۇسىنادى. ودان ءارى دەلەگاتسيا باسشىسى قىتايلىقتاردىڭ وسى كورمەدەگى قازاقستان پاۆيلونىنا تۋعىزىپ وتىرعان قامقورلىعىنا ريزالىق ءبىلدىردى. 2017 جىلى ەكسپو كور­مەسىن استانادا وتكىزۋگە ءبىزدىڭ ەل تاراپىنان دا الدىن الا ءوتىنىش ءتۇسىرىلىپتى. ارينە بۇل ۇسىنىستى قىتايدىڭ قولدايتىنىنا ءۇمىت زور. ەقىۇ-عا ءساتتى توراعالىق ەتىپ وتىرعان قازاقستاندا 2011 جىلى ءVىى قىسقى ازيا ويىندارى وتكى­زىلمەكشى. بۇل جاعى دا ەسكەرىلىپ, سەنىمدىلىك تۋعىزارى حاق. ءمينيستردىڭ ايتۋىنشا, قا­زاق­ستان­نىڭ قىتاي حالىق رەسپۋب­لي­كاسىمەن ەكونوميكالىق قارىم-قاتىناسى نىعايىپ كەلەدى. بيىل ءبىراز مولشەردە استىق ەكسپورت­تال­دى. ۇستىمىزدەگى جىلى تاۋار اينا­لىمى مولشەرى 10 ميلليارد دول­لارعا جەتپەك. قازىردىڭ وزىندە بۇل مەجەنىڭ جارتىسى الىندى. ءوز كەزەگىندە قحر كوممەر­تسيالار جونىندەگى ءمينيسترىنىڭ كومەكشىسى چوۋ حونگ بۇل كورمەدەن قارىشتى دامۋ ۇستىندەگى قازاقستان تۋرالى جان-جاقتى مالىمەتتەر الۋ­عا بولاتىنىن, ەكى ەل اراسىنداعى تىعىز ىنتىماقتاستىقتىڭ ءناتي­جە­سى ىلگەرىلەپ, بيىل اۋىل شارۋا­شى­لى­عى, ونەركاسىپ, كولىك, مادەني سالادا 14 ميلليارد دوللارعا جۋىق ءوزارا كەلىسىمدەرگە قول قويىل­عا­نىن مالىمدەپ, شانحاي ۇلگىسىن­دە­گى شاھار جەتىستىكتەرىن سيپاتتادى. قوس مەملەكەت دەلەگاتسياسى قا­زاقستاننىڭ, قىتايدىڭ, رەسەيدىڭ, وزبەكستاننىڭ, ت.ب. ەلدەردىڭ ۇلت­تىق پاۆيلوندارىن ارالاپ كوردى. قوناقتاردى قازاقستان پاۆيلو­نى­نىڭ باس كوميسسارى ا.قازىباەۆ پەن ديرەكتورى ر.دىلماعامبەتوۆا ەرتىپ ءجۇردى. “ەكسپو-2010” ايماعىنىڭ بىرنەشە نۇكتەسىندە جانە كەشكىسىن ەكسپو ورتالىعىندا قازاقستان­دىق ونەر شەبەرلەرىنىڭ كونتسەرتى بولدى. ۇلتتىق كۇننىڭ ۇلاعاتى وسى­لايشا زور اسەرگە بولەدى. جال­پى, ەلىمىز كورمەشىلەرىنىڭ جارقىن جەتىستىگى جونىندە ءتۇيىن جاريا­لا­نىمدى گازەتىمىزدىڭ الداعى سان­دارىنان وقي الاسىزدار.