قازاقستاندا مەملەكەتتىك تۋدى قولدانۋ اياسى كەڭەيەدى

جاڭا قاۋلىعا سايكەس, قازاقستاندا مەملەكەتتىك تۋدى قولدانۋ اياسى كەڭەيەدى.

مەملەكەتتىك تۋدى مەملەكەتتىك زاڭدى تۇلعالاردىڭ, ۇلتتىق باسقارۋشى حولدينگتەردىڭ, ۇلتتىق حولدينگتەردىڭ, ۇلتتىق كومپانيالاردىڭ, سونداي-اق قازاقستان رەسپۋبليكاسى ولارعا قاتىستى جالعىز اكتسيونەر (قاتىسۋشى) سانالاتىن وزگە دە اكتسيونەرلىك قوعامداردىڭ جانە جاۋاپكەرشىلىگى شەكتەۋلى سەرىكتەستىكتەردىڭ, ۇيىمداردىڭ عيماراتتارىندا جانە مەكەمە باسشىلارىنىڭ كابينەتتەرiندە ۇدايى, مەكتەپكە دەيىنگى, جالپى ورتا, كاسىپتىك باستاۋىش, كاسىپتىك ورتا, كاسىپتىك جوعارى جانە جوعارى وقۋ ورنىنان كەيىنگى كاسىپتىك ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ عيماراتتارىندا ۇدايى جانە جاڭا وقۋ جىلىنىڭ اشىلۋ جانە وقۋ جىلىنىڭ اياقتالۋ راسىمدەرى كەزىندە ىلۋگە رۇقسات ەتىلدى.

جەكە تۇلعالارعا تيەسىلى عيماراتتاردا, ءۇي-جايلاردا ء(ۇي-جايلاردىڭ بولىگىندە, بالكونداردا) مەملەكەتتىك تۋ كولبەۋ تۇردە (45 گرادۋستان كوپ بولماۋعا ءتيىس) ورنالاستىرۋعا رۇقسات ەتىلەدى. 

 

وسى تۇستا مەملەكەتتىك تۋدى قورلاۋ فاكتىلەرىنە جاتاتىن تەرىس ارەكەتتەر تۋرالى ەسكە سالا كەتسەك:

فيزيكالىق تۇردە زالال كەلتىرۋ (جىرتۋ, جاعۋ, ورتەۋ, قاساقانا جەرگە تاستاۋ, تاپتاۋ, قوقىسقا لاقتىرۋ); كوللاجدار جاساۋ ارقىلى مەملەكەتتىك تۋدى قورلاۋ, تىيىم سالىنعان جانە ماقساتقا ساي ەمەس جەرلەردە پايدالانۋ, الەۋمەتتىك جەلىلەردى قوسا العاندا مەملەكەتتىك تۋدى كوپشىلىك الدىندا مازاق ەتۋ, بالاعاتتاۋ.

قۇجات 27 قىركۇيەككە دەيىن اشىق تالقىلاۋدا بولادى.