مەملەكەت باسشىسى قاسىم-جومارت توقاەۆ تۇركيا سىرتقى ىستەر ءمينيسترى حاكان فيداندى قابىلدادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
پرەزيدەنت, ەڭ الدىمەن, حاكان فيداندى تۇركيانىڭ سىرتقى ىستەر ءمينيسترى لاۋازىمىنا تاعايىندالۋىمەن قۇتتىقتاپ, ونىڭ قازاق-تۇرىك قاتىناستارىن ودان ءارى دامىتۋعا ەلەۋلى ۇلەس قوساتىنىنا سەنىم ءبىلدىردى.
سونىمەن قاتار قاسىم-جومارت توقاەۆ بيىل تۇركيا رەسپۋبليكاسىنىڭ قۇرىلعانىنا 100 جىل تولاتىنىن اتاپ ءوتىپ, بۇل باۋىرلاس مەملەكەت ءۇشىن تاريحي بەلەس ەكەنىن جەتكىزدى.
ء«بىر عاسىردىڭ ىشىندە انادولى ساياسي, الەۋمەتتىك-ەكونوميكالىق جانە مادەني-گۋمانيتارلىق سالادا وراسان زور تابىسقا جەتتى. ايماقتىق جانە جاھاندىق ماسەلەلەردى شەشۋگە بەلسەندى جانە تاباندى تۇردە اتسالىسىپ, الەمنىڭ بەدەلدى مەملەكەتىنە اينالدى. مەن تۇركيانىڭ عاسىرلىق مەرەكەسىنە وراي استانا كوشەلەرىنىڭ ءبىرىن «انادولى» دەپ اتاۋدى تاپسىردىم», دەدى قاسىم-جومارت توقاەۆ.
مەملەكەت باسشىسى تۇركيا – ءبىزدىڭ اسا ماڭىزدى ستراتەگيالىق سەرىكتەسىمىز ەكەنىنە نازار اۋدارىپ, ەكى ەل باسشىلارىنىڭ كەزدەسۋىندە جوعارى دەڭگەيدەگى كوپتەگەن ۋاعدالاستىققا قول جەتكىزىلگەنىن ايتتى.
«باۋىرلاس ەلدەرىمىزدىڭ قارىم-قاتىناسى كەڭەيتىلگەن ستراتەگيالىق ارىپتەستىك دەڭگەيىنە كوتەرىلدى. تۇركيا ەلىمىزدىڭ نەگىزگى ءتورت ساۋدا سەرىكتەسىنىڭ بىرىنە اينالدى. بىلتىر ەكىجاقتى تاۋار اينالىمى 54 پايىزعا ءوسىپ, 6,3 ميلليارد دوللارعا جەتتى. وسى كورسەتكىشتى جاقىن ارادا 10 ميللياردقا جەتكىزۋگە كەلىستىك. ەكى ەل اراسىندا ينۆەستيتسيالىق ىنتىماقتاستىق قارقىندى دامىپ كەلە جاتىر. تۇركيا – قازاقستاننىڭ ەڭ ءىرى 10 ينۆەستورىنىڭ ءبىرى. قازىر جالپى قۇنى 2,8 ميلليارد دوللاردان اساتىن 36 جوبا بويىنشا جۇمىس ءجۇرىپ جاتىر. سوندىقتان ەكى ەل اراسىنداعى ىنتىماقتاستىقتىڭ بولاشاعى زور دەپ ويلايمىز», دەدى پرەزيدەنت.
ءوز كەزەگىندە حاكان فيدان مەملەكەت باسشىسىنا پرەزيدەنت رەجەپ تايپ ەردوعاننىڭ سالەمىن جەتكىزىپ, تۇركيا تاراپى ورتاق كۇش-جىگەردىڭ ناتيجەسىندە ەكى ەلدىڭ ءوزارا ىنتىماقتاستىعىن, سونداي-اق ايماقتىق جانە حالىقارالىق ارەناداعى الەۋەتىن بۇدان دا جوعارى دەڭگەيگە جەتكىزۋگە نيەتتى ەكەنىن ايتتى.
سونىمەن قاتار ول پرەزيدەنت رەجەپ تايپ ەردوعاننىڭ بيىل قاراشا ايىندا وتەتىن تۇركى مەملەكەتتەرى ۇيىمىنىڭ ءسامميتى اياسىندا ءوزارا ستراتەگيالىق قارىم-قاتىناس ماسەلەلەرىن كەڭىنەن تالقىلاۋدى جوسپارلاپ وتىرعانىن جەتكىزدى.