مەملەكەت باسشىسى ماروككو كورولى VI مۇحاممەدكە كوڭىل ايتۋ جەدەلحاتىن جولدادى, دەپ حابارلايدى Egemen.kz اقورداعا سىلتەمە جاساپ.
پرەزيدەنت قاسىم-جومارت توقاەۆ مارراكەش-سافي ايماعىندا بولعان جويقىن جەر سىلكىنىسى سالدارىنان كوپتەگەن ادامنىڭ قازا تابۋىنا بايلانىستى كورول VI مۇحاممەدكە كوڭىل ايتتى.
«وسىنداي اۋىر ساتتە قايعى-قاسىرەتتەرىڭىزگە ورتاقتاسىپ, بارشا ەلىمىزدىڭ جانە جەكە ءوز اتىمنان سىزگە, سونداي-اق باۋىرلاس ماروككو حالقىنا كوڭىل ايتامىن», دەلىنگەن جەدەلحاتتا.