ءداستۇرلى قىسقى قايىرىمدىلىق بالىنىڭ دەبيۋتانتتار كاستينگى ق.قۋانىشباەۆ اتىنداعى قازاق مۋزىكالىق-دراما تەاترىندا ءوتتى. جىل سايىن «بولاشاق» كورپوراتيۆتىك قورى ەرەكشە قاجەتتىلىكتەرى بار بالالاردىڭ ساپالى ءبىلىم الۋى جانە دارىندى جاستاردى قولداۋ ماسەلەلەرىنە قوعامنىڭ نازارىن اۋدارۋ ماقساتىندا 2012 جىلدان باستاپ قىسقى قايىرىمدىلىق بالىن وتكىزىپ كەلەدى.
قىسقى قايىرىمدىلىق بالى – ءداستۇرلى تۇردە بيزنەستىڭ, ديپلوماتيالىق كورپۋستىڭ, قوعامدىق جانە ساياسي توپتاردىڭ وكىلدەرىن جينايتىن ءوز تاريحى بار بىرەگەي بال. 11 جىل بويى بالدىڭ قوناقتارى كلاسسيكالىق ۆالستەن لاتينوعا دەيىن دەبيۋتانتتاردىڭ ءبيى, سالتاناتتى كەشكى اس, باعالى لوتتار اۋكتسيونى, سونداي-اق ءىس-شارانىڭ سەرىكتەستەرىنەن جۇلدەلەر ۇتىس ويىنى بار عاجايىپ اتموسفەراعا بولەنەدى.
بيىل قىسقى قايىرىمدىلىق بال ءىس-شارالارىنىڭ باستالۋى, اتاپ ايتقاندا, دەبيۋتانتتار كاستينگى قاللەكي تەاترىندا سالتاناتتى تۇردە ءوتتى. XIV قىسقى قايىرىمدىلىق بالىنىڭ دەبيۋتانتى اتانۋدىڭ قۇرمەتى ءۇشىن 300-گە جۋىق ادام تارتىستى. ەسكە سالساق, بۇعان دەيىنگى ۋاقىتتا دەبيۋتانتتار كاستينگىنە 6 مىڭنان استام ۇمىتكەر قاتىستى, ال بالعا 148 جۇپ دەبيۋتانت باق سىنادى. عاجايىپ كەشتىڭ سەبەپ بولۋىمەن 6 جۇپ دەبيۋتانت جولدارى ءتۇيىسىپ, شاڭىراق كوتەردى.
ىرىكتەۋدىڭ ەكى كەزەڭىنەن – حورەوگرافيالىق بايقاۋدان جانە ۇيىمداستىرۋشىلارمەن اڭگىمەلەسۋدەن ءساتتى وتكەن 30 ۇمىتكەر دەبيۋتانت اتاندى. ولار ەندى ءۇش اي بويى بالدا ورىندايتىن ءارتۇرلى كاسىبي بال بيلەرىن ۇيرەنەدى. دەبيۋتانتتاردى بيگە قىسقى قايىرىمدىلىق بالدارىن قويۋشى-حورەوگراف, حورەوگرافيا فاكۋلتەتى دەكانىنىڭ ورىنباسارى, قازاق ۇلتتىق حورەوگرافيا اكادەمياسىنىڭ اعا وقىتۋشىسى – ەۆگەني مويسەەۆ دايىندايدى.
«وسى بالدىڭ ارقاسىندا ءبىز قۇقىقتار مەن مۇمكىندىكتەر تەڭ ينكليۋزيۆتى, اشىق قوعام قۇرىپ جاتىرمىز. بالداردان تۇسكەن قاراجاتقا ەرەكشە بالالارى بار وتباسىلاردىڭ ءومىر ءسۇرۋ ساپاسىن, ينكليۋزيۆتى ءبىلىم بەرۋ سالاسىندا مامانداردى دايارلاۋ ساپاسىن جانە سونىڭ ناتيجەسىندە ينكليۋزيۆتى ءبىلىم بەرۋ سالاسىندا كورسەتىلەتىن قىزمەتتەردىڭ ساپاسىن ارتتىراتىن بۇكىل الەمدە قابىلدانعان وزىق الەمدىك تاجىريبەلەردى, عىلىمي دالەلدەنگەن ءتيىمدى ادىستەمەلەردى ەنگىزەدى. سونىمەن قاتار ەل بويىنشا ينكليۋزيۆتى الاڭدار جەلىسىن قۇردىق. ەلدەگى تۇڭعىش مىنەز-ق ۇلىق تالداۋشىلارىن وقىتتىق, بۇگىنگى تاڭدا ەندى ولار ەرەكشە بالالارمەن جۇمىس ىستەيتىن جۇزدەگەن پەداگوگتەر مەن مامانداردى وقىتىپ جاتىر», دەيدى «بولاشاق» كورپوراتيۆتىك قورى قامقورشىلىق كەڭەسىنىڭ ءتورايىمى دينارا گاپلان.
جينالعان قاراجات «بولاشاق» قورىنىڭ ەرەكشە قاجەتتىلىكتەرى بار بالالار مەن دارىندى جاستارعا ارنالعان ء«ار بالا مەكتەپكە بارۋعا لايىقتى» جانە «جول ءجۇرۋ گرانتتارى» قايىرىمدىلىق باعدارلامالارىنا باعىتتالدى. XIV قىسقى قايىرىمدىلىق بالىنا «نۇربانك» اق جانە «Hilton Astana» قوناقۇيى دەمەۋشىلىك كورسەتتى. سونىمەن قاتار «Amanat» پارتياسى مەن «The sun» ديدجيتال اگەنتتىگى كاستينگكە قولداۋ كورسەتتى. XIV قىسقى قايىرىمدىلىق بالى استانادا 8 جەلتوقساندا «Hilton Astana» قوناقۇيىندە وتەدى.
ايتا كەتەيىك, بالدار وتكىزىلگەن 11 جىل ىشىندە 150-دەن استام دەمەۋشى مەن سەرىكتەس تارتىلىپ, 880 ميلليون تەڭگەدەن استام قاراجات جينادى. تۇسكەن قاراجاتقا 85 مامانداندىرىلعان وڭالتۋ مەكەمەسى اشىلدى جانە جاراقتاندىرىلدى, ونىڭ ىشىندە بۇكىل قازاقستان بويىنشا 56 ينكليۋزيانى قولداۋ كابينەتى اشىلىپ, اۋتيزم جانە دامۋىندا باسقا ەرەكشەلىكتەر بار 800-دەن استام بالا مەكتەپكە بارۋعا مۇمكىندىك الدى. 3000-نان استام مامان وقىتىلىپ. 500-دەن استام جۇمىس ورنى قۇرىلدى. از قامتىلعان وتباسىلاردان شىققان بالالارعا جانە ەرەكشە قاجەتتىلىكتەرى بار ادامدارعا 120-دان استام ءبىلىم بەرۋ جانە جول ءجۇرۋ گرانتتارى بەرىلدى. سونداي-اق «بولاشاق» قورى ينكليۋزيۆتى ءبىلىم بەرۋدى دامىتۋعا قاتىستى قازاقستان رەسپۋبليكاسىنىڭ زاڭنامالىق اكتىلەرىنە 80-نەن استام ساپالى ۇسىنىستار مەن تۇزەتۋلەر ەنگىزدى.