الەمگە تانىمال ءانشى, مۋزىكانت ديماش قۇدايبەرگەن رەسەي راديوسىنىڭ تىلشىسىنە ورىس تىلىنە قاتىستى پىكىر ءبىلدىردى. بۇل تۋرالى جۋرناليست ءارى قوعام بەلسەندىسى ايدوس جۇقان ۇلى وزىنىڭ Facebook پاراقشاسىندا جازدى, دەپ حابارلايدى Egemen.kz.
«كەڭەس وداعى ىدىراعاندا ءسىز ۇشتە بولعان ەكەنسىز. ءبارى جاپپاي شەت ءتىلىن مەڭگەرۋگە ۇمتىلعان كەز. جالپى ۇيىڭىزدە ورىس تىلىندە سويلەسەسىزدەر مە؟», دەپ سۇراق قويدى رەسەي راديوسىنىڭ ءتىلشىسى.
بۇل سۇراققا جاۋاپ بەرگەن ديماش ءار ۇلت وكىلى ەڭ الدىمەن ءوز انا ءتىلىن سىيلاۋى ءتيىس ەكەنىن قاداپ ايتتى.
ء«بىزدىڭ ۇيدە تەمىردەي ءتارتىپ بار. اتام دا, اكەم دە, اپام دا, انام دا بارىمىزگە قازاق تىلىندە سويلەۋدى بۇيىراتىن. مەن مۇنى دۇرىس دەپ بىلەمىن. ءار ۇلت وكىلى ەڭ الدىمەن ءوز انا ءتىلىن سىيلاۋى ءتيىس, ارينە ءوز تىلىندە كوبىرەك سويلەۋگە تىرىسۋى كەرەك. سونداي ءبىر وتپەلى كەزەڭدە ەلگە ەلىكتەپ كەتپەي, قازاقتىلدى جاس بولىپ وسكەنىمە ماقتانامىن», دەدى ءانشى.