چەحيا استاناسى – پراگادا ITF W60 ءتۋرنيرى ءوز مارەسىنە جەتتى. جارىستا قازاقتىڭ دارىندى تەننيسشىسى جىبەك قۇلامباەۆا تابىستى ونەر كورسەتتى.
پولشالىق مارتينا كۋبكامەن جۇپ قۇراعان ول بارلىق قارسىلاسىن سىپىرا ۇتىپ, فينالدا يتاليادان كەلگەن مىقتىلار – انگەليكا موراتەللي مەن كاميللا روزاتەللودان 7:6, 6:4 ەسەبىمەن باسىم ءتۇستى. ءسويتىپ, قۇلامباەۆا ءوزىنىڭ كارەراسىندا ITF دودالارىندا 23-مارتە باس جۇلدەنى ولجالادى. پراگاداعى جارىس اياقتالعان بەتتە يتاليانىڭ باري قالاسىندا WTA 125 ءتۋرنيرىنىڭ تۇساۋى كەسىلدى. ىرىكتەۋ سىنىنىڭ فينالىندا چەحيالىق اننا شيشكوۆانى 6:2, 6:4 ەسەبىمەن جەڭگەن جىبەك ەندى نەگىزگى باسەكەدە باق سىنايدى.
ال نيۋ-يوركتە ءوتىپ جاتقان اقش-تىڭ اشىق بىرىنشىلىگىنىڭ ارالاس جۇپتار اراسىنداعى سايىسىندا قازاقستاندىق اننا دانيلينا مەن فينليانديالىق حارري حەليوۆاار كەزەكتى كەزەڭدە امەريكالىق اليسيا پاركس پەن دەنيس كۋدلانى 6:3, 6:3 ەسەبىمەن ەڭسەرىپ, شيرەك فينالعا جولداما الدى.