وڭتۇستىك كورەيانىڭ پحەنچحان قالاسىندا ۇستەل تەننيسىنەن ەرلەر مەن ايەلدەر اراسىنداعى XXVI ازيا چەمپيوناتىنىڭ جالاۋى جەلبىرەدى.
كوماندالىق جارىستى قازاقستان ۇلتتىق قۇراماسى وتە ءساتتى باستادى. قۇرامىندا كيريلل گەراسيمەنكو, الان قۇرمانعاليەۆ, ايدوس كەنجەعۇلوۆ جانە ۆلاديسلاۆ زاحاروۆ سىندى ويىنشىلارى بار كوماندا نەپال, بانگلادەش جانە قىرعىزستاندى ويسىراتا ۇتسا, تايلاندتى 3:2 ەسەبىمەن تىزە بۇكتىردى.
بۇرىمدىلارىمىز باستاپقى كەزەڭدە بانگلادەش, نەپال جانە وزبەكستاننان باسىم ءتۇستى. بۇل باسەكەلەردىڭ بارلىعىندا 3:0 ەسەبى تىركەلدى. ەلىمىزدىڭ قىزدار كومانداسى ساپىندا سارۆينوز مىرقادىروۆا, اناستاسيا لاۆروۆا, زاۋرەش اقاشەۆا جانە انگەلينا رومانوۆسكايا ونەر كورسەتۋدە. ءسويتىپ, جەرلەستەرىمىز شيرەك فينالعا شىقتى.