يەسىز جەر بولمايدى

ول تۋرالى «Amanat» پارتياسى في­ليال­دارىنىڭ ەسەپ بەرۋ كونفەرەن­تسيا­سىندا ايتىلدى. ءىس-شاراعا ايماقتاعى سايا­سي كەڭەستىڭ مۇشەلەرى, بارلىق دەڭ­گەي­دەگى ءماسليحات دەپۋتاتتارى, قوعامدىق كەڭەستەردىڭ مۇشەلەرى, باستاۋىش پارتيا ۇيىمدارى مەن «جاستار رۋحى» جاستار قاناتىنىڭ وكىلدەرى قا­تىس­تى.

دەلەگاتتار پارتيانىڭ اۋدان­دىق جانە وبلىستىق في­ليال­دارىنداعى ساياسي كە­­ڭەس­تەر­دىڭ جاڭا قۇرامىن بەكىتتى. وسى­لاي­شا, 1 قالالىق جانە 10 اۋداندىق فيليالدارداعى ساياسي كەڭەستەردىڭ قۇ­را­مىنا 82 ادام كىردى. ايتا كەتسەك, بيىل اتال­عان كەڭەستەردىڭ قۇرامى 63%-عا جا­­­ڭار­­عان. ونىڭ 16%-ى جاستار, 34%-ى ايەل­دەر.

پارتيانىڭ شىعىس قازاقستان وبلىس­تىق فيليالىنىڭ توراعا­س­ى سايرانگۇل ءجۇمادىلوۆا پار­تيا­لىق جوبالاردىڭ جۇزەگە اسىرىلۋ بارىسىنا توقتالدى. كە­يىنگى ەكى جىلدا «ارداگەرلەردى ارداق­تايىق», «كەدەرگىسىز كەلەشەك», «باقىتتى وتباسى» جانە «جاستار وتانعا» جوبالارى اياسىندا 70 مىڭنان اسا ادامدى قامتي وتىرىپ, 1150-دەن اسا ءىس-شارا وتكىزىلدى.

«بىلتىر وبلىستىق كوميسسيا «جەر اماناتى» جوباسى اياسىندا 100 مىڭ گەكتاردان اسا پايدالانىلماي جاتقان جەر­دى مەملەكەت مەنشىگىنە قاي­تارسا, جىل باسىنان بەرى تاعى 61,3 مىڭ گەكتار جەردى قاي­تا­رىپ الدى. بيىل ۇلان اۋدانى گاگارينو اۋىلى مەن التاي اۋدانى سەۆەرنوە اۋىلى تۇرعىندارىنىڭ ءوتىنىشى بويىنشا پارتيانىڭ ارالاسۋىمەن جايىلىمدىق جانە شابىندىق جەرلەردى قايتارۋ ماسەلەسى وڭ شەشىمىن تاپتى», دەدى سايرانگۇل احمەتكارىمقىزى.

ال شىعىس قازاقستان وب­لى­سى­نىڭ ماسليحاتىنداعى «Amanat» دەپۋتات­تا­رىنىڭ اتقا­رىپ جاتقان جۇمىسى جونىن­دە پارتيانىڭ دەپۋتاتتىق فراكتسيا­سى­نىڭ جەتەكشىسى تۇراربەك ازە­كەنوۆ باياندادى. حالىق قا­لاۋ­­لىلارى ازاماتتاردى قا­بىل­داپ, پارتياداعى قوعامدىق كەڭەستەردىڭ جۇمىسىنا قاتىسادى جانە پارتيانىڭ وڭىرلىك سايلاۋالدى باعدارلاماسىنىڭ جۇزەگە اسىرىلۋىن قاداعالايدى.

«2027 جىلعا دەيىن 6,8 مىڭ وقۋشىعا ارنالعان 17 مەكتەپ سالۋ جوسپارلانعان. بۇ­گىن­­دە وسكەمەن قالاسىندا – 600, زايسان قالاسىندا – 300, شە­مو­نايحا قالاسىندا – 300 جانە شەڭگەلدى اۋىلىندا 100 ورىن­دىق مەكتەپ قۇرىلىسى جۇر­گى­زىلىپ جاتىر. دەپۋتاتتىق با­قى­­لاۋ­دىڭ ناتيجەسىندە «وم­بى – مايقاپشاعاي» جولى جون­دەل­دى», دەدى ت.ازەكەنوۆ.

جالپى, 2021-2022 جىلدار ارالى­عىن­دا وڭىردە 4 مەكتەپ پايدالانۋعا بەرىلىپ, مۇراجاي-ارحەولوگيالىق كەشەن, 2 اۋىل­دىق كلۋب, 5 سپورت نىسانى بويى كوتەردى. سونىمەن قاتار الەۋ­مەتتىك سالاداعى 69 نىسان جون­دەلىپ, 600 مىڭ شارشى مەتر تۇر­عىن ءۇي پايدالانۋعا بەرىلدى.

وسى كۇنى «Amanat» پارتيا­سى­نىڭ اتقا­رۋشى حاتشىسى داۋلەت كارىبەك وڭىر­دەگى بەلسەندى جاس­تارمەن, جاس سپورت­شى­لار­مەن كەزدەستى. بالالار مەن ەرە­سەك­تەردى سالاماتتى ءومىر سالتىن ۇستانۋعا باۋلۋ ماقساتىندا 13 سپورت نىسانىن, ونىڭ ىشىن­دە 3 GYM ورتالىعىن, 3 سپورت ءمودۋلىن جانە 6 دەنەشىنىق­تىرۋ-ساۋىقتىرۋ كەشەنىن سالۋ كوزدەلگەن ەكەن. سونىمەن قاتار 100 مىڭنان اسا بالا سپورت سەكتسيالارى مەن شىعارماشىلىق ۇيىرمەلەرگە تەگىن قاتىسا الادى.

اتقارۋشى حاتشى باستا­ۋىش پارتيا ۇيىمدارىنىڭ توراعا­لا­رى­مەن اڭگى­مە­لە­سىپ, بپۇ ساياسي بەلسەندىلىكتىڭ وزەگى ءارى قوز­عاۋشى كۇشى سانالاتىنىن اتاپ ءوتتى.

«بۇگىندە پارتيانىڭ 800 مىڭنان اسا مۇشەسى 4 مىڭ باستاۋىش پارتيا ۇيىمىنا بىرىك­تىرىلگەن. شىن مانىندە, ولار ساياسي ۇيىمىمىزدىڭ نە­گىزى. ءدال سول ورتادا ازامات­تار پارتيا قاتارىنا قابىل­دا­نا­دى جانە قوعامدا پارتيا­نىڭ قۇندىلىقتارىن ىلگەرىلەتۋگە قابىلەتتى جاڭا كوشباسشىلار قالىپتاسادى. ەكى جىل سايىن قوعام بەلسەندىلەرىن انىق­تاپ, ناتيجەسىندە پار­تيا­­نىڭ كادرلىق رەزەرۆىن قا­لىپتاستىرۋدى كۇن تارتى­بىنەن تۇسىرمەۋىمىز كەرەك. پار­تيا­لىق ۇيىمداردىڭ ماڭىزدى فۋنك­تسيا­لا­رى­نىڭ ءبىرى – جەرگى­لىك­تى كوشباس­شى­لار­دى قولداۋ. پارتيا ولار ءۇشىن ءوزىن-ءوزى دا­مى­تۋ­عا مۇمكىندىك بەرەتىن الاڭعا اي­نالۋى شارت», دەدى داۋلەت كارىبەك.

ايتا كەتەيىك, شىعىس قا­زاقستان وبلىسىندا 155 باس­تا­ۋىش پارتيا ۇيىمىنا بىرىكتىرىل­گەن 28 مىڭنان اسا «Amanat» مۇشەسى بار.

شىعىس قازاقستان وبلىسى