كەشە پرەمەر-مينيستر كارىم ءماسىموۆ ءىV قازاقستاندىق ينۆەستيتسيالىق سامميت جۇمىسىنىڭ شەڭبەرىندە ءىرى حالىقارالىق كومپانيالار وكىلدەرىمەن جۇمىس بابىنداعى كەزدەسۋلەر وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
“ارسەلورميتتال” كومپانياسىنىڭ ديرەكتورلار كەڭەسىنىڭ ءتوراعاسى جانە باس اتقارۋشى ديرەكتورى لاكشمي ميتتالمەن كەزدەسۋدە قازاقستانداعى كەن-مەتاللۋرگيا كاسىپورىندارى قىزمەتىنىڭ ماسەلەلەرى تالقىلاندى.
ك.ءماسىموۆتىڭ Ernst & Young Global كومپانياسىنىڭ باس وپەراتسيالىق ديرەكتورى دجون فەررارومەن كەزدەسۋىندە قازاقستاننىڭ ينۆەستيتسيالىق تارتىمدىلىعىن ودان ءارى جاقسارتۋ جايى اڭگىمە بولدى.
قازاقستان ۇكىمەتى باسشىسىنىڭ “شەۆرون” كورپوراتسياسى باسقارما توراعاسىنىڭ ورىنباسارى, اتقارۋشى ۆيتسە-پرەزيدەنتى دجوردج كيركلاندپەن كەزدەسۋىندە قازاقستاندىق مازمۇن, كومپانيا قىزمەتىندە وتاندىق كادرلاردى دايارلاۋ مەن قايتا دايارلاۋ ماسەلەلەرى تالقىلاندى.
ال “رۋسال” وك باس ديرەكتورى ولەگ دەريپاسكامەن كەزدەسۋ بارىسىندا ەلەكتر ەنەرگياسى جانە مەتاللۋرگيا سالاسىنداعى جوبالاردى دامىتۋدىڭ كوكەيكەستى ماسەلەلەرى اڭگىمە ارقاۋىنا اينالدى.
قىتاي ينۆەستيتسيالىق كومپانياسىنىڭ توراعاسى جانە باس ديرەكتورى لوۋ تسزيۆەيمەن كەزدەسۋدە قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ينۆەستيتسيالىق جانە ساۋدا-ەكونوميكالىق قىزمەتتى ودان ءارى دامىتۋدىڭ باسىمدىقتارى ءسوز بولدى.
وسى كۇنى تۇستەن كەيىن پرەمەر-مينيستر ك.ءماسىموۆ 4-ءىنشى قازاقستاندىق ينۆەستيتسيالىق ءسامميتتىڭ قورىتىندى سەكتسياسىنا قاتىسىپ, ءسوز سويلەدى.