دەنساۋلىق ساقتاۋ مينيسترلىگى, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى جانە قازاقستان رەسپۋبليكاسى ىشكى ىستەر مينيسترلىگى «رەسپۋبليكالىق مەديتسينالىق ينستيتۋت» جشس قاتىسۋىمەن جۇرگىزۋشىلەردىڭ پسيحواكتيۆتى زاتتى پايدالانۋ فاكتىسى مەن ماس كۇيىن مەديتسينالىق كۋالاندىرۋدى ەلەكتروندى فورماتقا كوشىرۋ جونىندەگى جوبانى ىسكە اسىرادى, دەپ حابارلايدى Egemen.kz دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
بۇل اكىمشىلىك ءىس جۇرگىزۋدىڭ بىرىڭعاي تىزىلىمىمەن ەلەكتروندى فورماتتاعى دەرەكتەردى الماسۋدى جانە قۇقىق قورعاۋ ورگاندارى مەن مەديتسينالىق مەكەمەلەردىڭ اراسىنداعى اقپاراتتى سينحرونداۋدى قامتيدى.
جۇيەلەردى ينتەگراتسيالاۋ مەديتسينالىق كۋالاندىرۋعا جىبەرۋ جانە مەديتسينالىق كۋالاندىرۋ اكتىسىن الۋ جوسپارىندا قاعازسىز قۇجات اينالىمىن ىسكە اسىرۋعا مۇمكىندىك بەرەدى.
پيلوتتىق جوبا پاۆلودار وبلىسىندا ىسكە قوسىلدى, ونىڭ شەڭبەرىندە 2000-نان استام ەلەكتروندىق باعىتتار مەن مەديتسينالىق كۋالاندىرۋدىڭ ەلەكتروندىق اكتىلەرى قالىپتاستىرىلدى.
بۇگىنگى تاڭدا جوبانىڭ پيلوتتىق كەزەڭىنە الماتى, سولتۇستىك قازاقستان جانە جامبىل وبلىستارى دا دايىن. الداعى ۋاقىتتا ەلىمىزدىڭ بارلىق وڭىرلەرىنىڭ قاتىسۋى جوسپارلانىپ وتىر.
بۇدان باسقا, جول-كولىك وقيعالارى كەزىندە ەۋروپالىق حاتتامانى الداعى ۋاقىتتا ەنگىزۋ شەڭبەرىندە ساقتاندىرۋ جاعدايلارىن رەسىمدەۋ كەزىندە دەرەكتەردى الماسۋ ءۇشىن مەملەكەتتىك كرەديتتىك بيۋرونىڭ سەرۆيستەرىمەن مەديتسينالىق كۋالاندىرۋدىڭ ەلەكتروندىق جۇيەسىن ينتەگراتسيالاۋ جۇزەگە اسىرىلدى.
ينتەگراتسيا اكىمشىلىك پروتسەستەردى تسيفرلاندىرۋدىڭ ماڭىزدى قادامى بولىپ تابىلادى, بۇل دەرەكتەردى الماسۋ ۋاقىتىن قىسقارتۋعا, اشىقتىقتى قامتاماسىز ەتۋگە جانە جۇرگىزۋشىلەردى مەديتسينالىق كۋالاندىرۋ سالاسىنداعى سىبايلاس جەمقورلىق قاۋىپتەرىن ازايتۋعا مۇمكىندىك بەرەدى.