جاڭا وقۋ جىلىندا العاش رەت مەكتەپ تابالدىرىعىن اتتاعالى تۇرعان 382 مىڭعا جۋىق بالانىڭ 70 پايىزعا جۋىعى قازاق تىلىندە وقۋعا نيەت بىلدىرگەن, دەپ جازادى Egemen.kz.
ءبىرىنشى سىنىپقا باراتىن وقۋشىلاردىڭ ەڭ كوپ سانى الماتى قالاسىندا جانە تۇركىستان, الماتى وبلىستارىندا تىركەلگەن. بالالاردى قازاق تىلىندە وقىتاتىن سىنىپتارعا قابىلداۋ بويىنشا ەڭ جوعارى كورسەتكىشكە يە شىمكەنت قالاسى جانە تۇركىستان, الماتى وبلىستارى.
وقۋ-اعارتۋ مينيسترلىگىنىڭ مالىمەتىنشە, جاڭا وقۋ جىلىندا 11-سىنىپتا وقيتىنداردىڭ سانى دا وسكەن. بيىل 188 900 وقۋشى مەكتەپپەن قوشتاسادى. جالپى, 2023-2024 وقۋ جىلىندا مەكتەپتەردە 3,9 ميلليونعا جۋىق قازاقستاندىق ءبىلىم الادى. 55 مىڭ بالا جاڭا وقۋ جىلىن جاڭا مەكتەپتەردە باستايدى.
سونداي-اق وسى جىلدىڭ سوڭىنا دەيىن جاڭا 132 مىڭ ورىندىق ءبىلىم بەرۋ ۇيىمدارى پايدالانۋعا بەرىلەدى. ەلىمىزدە بارلىعى 7,7 مىڭ ورتا ءبىلىم بەرۋ ۇيىمى بار.