«Egemen Qazaqstan» گازەتىنىڭ ءبىلىم جانە عىلىم ءبولىمىنىڭ ءتىلشىسى دۇيسەنالى الىماقىن اقش-تىڭ ۆاشينگتون قالاسىنداعى «The George Washington University» ۋنيۆەرسيتەتىنە جۋرناليستيكا سالاسى بويىنشا, ساياسات جانە قۇقىق ءبولىمىنىڭ ءتىلشىسى گۇلنار جولجان انگلياعا تاعلىمدامادان وتۋگە جولداما العان بولاتىن. مىنە, ولار ەندى شەتەلدە ءبىلىمىن جەتىلدىرەدى.
قوس گرانت يەگەرىن شىعارىپ سالۋ ءراسىمى «Egemen Qazaqstan» گازەتىنىڭ رەداكتسياسىندا جانە استانانىڭ 25 جىلدىق مەرەيتويىنا وراي اشىلعان جۋرناليستەر ساياباعىندا ءوتتى.
باس باسىلىمنان قانات قاققان جۋرناليستەردى «قازاق گازەتتەرى» جشس باس ديرەكتورى ديحان قامزابەك ۇلى باستاعان ارىپتەستەرى قۇتتىقتاپ, ءبىلىم جولىنداعى ساپارلارىنا ساتتىلىك تىلەدى ءارى سىي-سياپات كورسەتتى. ارىپتەستەرىنەن جىلى لەبىز ەستىگەن گۇلنار مەن دۇيسەنالى دە ۇجىمعا ريزاشىلىقتارىن ءبىلدىردى.