اۋىل جانە ينتەرنەت

ولار مەكتەپ جاسىنداعى بالالارعا ارنالعان سمارت-ورتالىقتىڭ جۇمىسىمەن تانىسىپ, باسقا دا نىسانداردى ارالادى. «يۋبيلەينىي» شاعىن اۋدانىندا سالىنىپ جاتقان سمارت-ورتالىق وسى ءوڭىردىڭ جول كارتاسىنا ەنگىزىلگەن. ول 600-دەن استام وقۋشىعا ارنالعان. مۇندا روبوتتەحنيكا جانە باعدارلامالاۋ كابينەتتەرىن, كيبەرسپورت زالى, لاندشافتى ديزاين ستۋدياسى جانە باسقا دا باعىتتار بويىنشا زەرتحانالار اشۋ جوسپارلانعان.

«ورتالىق تەك ءبىلىم الاتىن ورىن ەمەس, بالالاردىڭ جەكە الەۋەتىن اشۋعا, قابىلەتتەرىن دامىتۋعا, تالانتتارىن انىقتاۋعا ارنالعان الاڭ. قوستانايدا مۇنداي نىساننىڭ سالىنىپ جاتقانى جانە ونىڭ جاقىن ارادا ىسكە قوسىلاتىنى قۋانتادى», دەدى ە.ءابىل.

سمارت-ورتالىقتىڭ جالپى اۋدانى 12 مىڭ شارشى مەتر­دەن اسادى. ونىڭ اينالاسى بالالارعا, جاستارعا ارنالعان سپورت الاڭدارىمەن, جاسىل جەلەكپەن, ءۇش سۋبۇرقاقپەن اباتتاندىرىلادى.

سونىمەن قاتار ماجىلىسمەندەر Tele2/Altel ۇيالى بايلانىس وپەراتورلارىنىڭ 5G جاڭا بۋىنىنىڭ بازالىق بايلانىس ستانساسىنا باردى. وبلىستىق اقپاراتتاندىرۋ باسقارماسىنىڭ باسشىسى ازامات قاشيەۆ دەپۋتاتتاردى جاقىندا ىسكە قوسىلعان جاڭا بايلانىس مۇناراسىمەن تانىس­تىردى. ەندى قالادا Tele2 جانە Altel ۇيالى بايلانىس پايدالانۋشىلارى ءۇشىن 5G قولجەتىمدى.

بۇدان كەيىن قوستاناي وبلىسىنداعى اۋىلداردى بايلانىسپەن قامتاماسىز ەتۋ ماسەلەلەرى بويىنشا كەزدەسۋ ءوتتى. جيىنعا ءماجىلىس جانە وبلىستىق ءماسليحات دەپۋتاتتارى, اقپاراتتاندىرۋ باسقارماسىنىڭ وكىلدەرى, سونداي-اق ۇيالى بايلانىس وپەراتورلارى قاتىستى.

«حالىقتى ساپالى بايلانىسپەن قامتاماسىز ەتۋ – ماڭىزدى ماسەلە. ارىپتەستەرىمىزبەن وبلىستىڭ اۋداندارى مەن اۋىلدارىن ارالايمىز, حالىقپەن كەزدەسەمىز. سوندا ءجيى قويى­لا­تىن سۇراق­تار­دىڭ ءبىرى – شالعاي ەلدى مەكەندەردى ينتەرنەت جانە تۇراق­تى باي­لانىسپەن قامتاماسىز ەتۋ. قازىر بۇل باعىت­تا بەلسەندى جۇ­مىس ات­قارىلىپ جاتىر. 2025 جىلعا دەيىن ءبىز وبلىس­تىڭ بارلىق اۋىلىن ينتەرنەتپەن جانە بايلانىسپەن قام­تا­ما­سىز ەتۋدى جوس­پار­لاپ وتىرمىز. بۇعان وتكەن شاقىرىلىمدا دە­پۋ­­تات­­تار قا­بىل­داعان زاڭنامالىق تۇزەتۋلەر ىقپال ەتەدى», دەدى ە.سمىشلياەۆا.