قازاقستان مەن ۆەتنام پرەزيدەنتتەرى كەراميكا بۇيىمدارىن شىعاراتىن دەرەۆنياعا باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ پەن ۆو ۆان تحىونگ حايزىونگ پروۆينتسياسىندا ورنالاسقان كەراميكا بۇيىمدارىن شىعاراتىن چۋ داو دەرەۆنياسىنا بىرگە باردى.ەكى ەل باسشىلارى دايىن ونىمدەردى قاراپ كورىپ, كەراميكا بۇيىمدارىن دايىنداۋ پروتسەسىمەن تانىستى.سودان كەيىن پرەزيدەنتتەر ارناۋلى ستانوكتا قىش قۇمىرا جاساپ كوردى.قازاقستان مەن ۆەتنام پرەزيدەنتتەرى دەرەۆنيانى ارالاپ كورگەننەن كەيىن دايىن ونىمدەرگە جانە قۇرمەتتى قوناقتار كىتابىنا قولتاڭبالارىن قالدىردى.چۋ داو – تاريحى ءبىزدىڭ ءداۋىرىمىزدىڭ XII عاسىرىنان باستاۋ الاتىن كەراميكا بۇيىمدارىن دايىنداۋدىڭ كونە ۆەتنامدىق ءادىسى. بۇل قولونەر XIV-XV عاسىرلاردا دامىپ, XVII عاسىردا جوعالىپ كەتكەن. الايدا 1980-جىلدارى ىستانبۇلداعى توپكاپى مۋزەيىنەن چۋ داو شەبەرىنىڭ قولىنان شىققان قۇمىرا تابىلدى. 2001 جىلى حانوي ساۋدا كورپوراتسياسى وسى ەجەلگى قولونەردى قايتا جاڭعىرتىپ, كونە تەحنولوگيا نەگىزىندە تولىققاندى ءوندىرىستى جولعا قويدى.