بۇگىن ۇكىمەت وتىرىسىندا توتەنشە جاعدايلار ءمينيسترى سىرىم ءشارىپحانوۆ «قازاقستان» شاحتاسىنداعى ءورتتى ءسوندىرۋ جۇمىستارى قالاي جۇرگىزىلىپ جاتقانىن ايتتى, دەپ حابارلايدى Egemen.kz.
ءمينيستردىڭ ايتۋىنشا, شاحتادا ءورت ءسوندىرۋ جۇمىستارى ءالى جالعاسىپ جاتىر.
«بارلىعىڭىز باق-تان تاسمالداۋشى لەنتا جانعانىن ەستىدىڭىزدەر. كەيىن ءورت كومىر قاباتتارىنا تارادى. سوندىقتان ۇزاق ۋاقىت جانىپ جاتىر. ءورتتى ءسوندىرۋ كۇردەلى ماسەلە. قۇتقارۋشىلار تىنىس الۋعا قولايسىز ورتادا, كورۋ مۇمكىندىگى شەكتەۋلى, جوعارى تەمپەراتۋرادا جۇمىس ىستەپ جاتىر. ءورت جەر بەتىندە ءسوندىرىلىپ جاتقان جوق. بەلگىلى ءبىر تەحنولوگيالار بار, ولارعا سايكەس جۇمىس جاسالۋى كەرەك. بولجامدار تۋرالى ايتۋعا ءالى ەرتە. بىراق جاقىن ارادا سوندىرىلەدى دەپ ويلايمىن», دەدى س.ءشارىپحانوۆ.