اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتى مەن «جاستار» عىلىمي-زەرتتەۋ ورتالىعىنىڭ مەملەكەتتىك جاستار ساياساتى مەكتەبى اياسىندا ۇيىمداستىرىلۋىمەن سەمەي قالاسىندا لۋدومانيا, ناشاقورلىق جانە رەپرودۋكتيۆتى دەنساۋلىق سالالارىندا كەڭەس بەرۋ بويىنشا جاستار رەسۋرستىق ورتالىقتارى قىزمەتكەرلەرى مەن جاستار ۇيىمدارىنىڭ ماماندارىنا ارنالعان ءۇش كۇندىك وقىتۋ ترەنينگتەرى ءوتتى, دەپ حابارلايدى Egemen.kz.
بيىلعى جىلى 1 ناۋرىزدان باستاپ كۇشىنە ەنگەن زاڭعا سايكەس قازاقستاندا جاستاردىڭ جاسى 35 جاسقا دەيىن ۇلعايتىلعانى ءمالىم. تاعى ءبىر ايتا كەتەرلىگى, جاستارمەن جۇمىس ىستەيتىن ماماندار لۋدومانيا, ناشاقورلىق, رەپرودۋكتيۆتى دەنساۋلىق تاقىرىپتارىندا جاستارعا كەڭەس بەرۋگە مىندەتتەلگەنىن اتاپ ءوتۋ ماڭىزدى.
ەلىمىزدىڭ ون ايماعىنان قاتىسقان جاس ماماندار سەمينار-ترەنينگ بارىسىندا تاۋەلدىلىك تۇرلەرى مەن ونىڭ ادام اعزاسىنا جانە ومىرىنە اسەرى تۋرالى ءبىلدى. باستى نازار ەلىمىزدەگى ناشاقورلىق پەن تاۋەلدىلىكتىڭ الدىن الۋ مەحانيزمدەرىمەن تانىسۋعا اۋدارىلدى.