تارازدا 2 ميلليون تەڭگە پارا العان سۋديا ۇستالدى. ونىڭ بۇل اقشانى جازانى جەڭىلدەتۋ ءۇشىن العانى انىقتالدى, دەپ حابارلايدى Egemen.kz.
انتيكوررۋپتسيالىق قىزمەت سوت اكىمشىلىگىنىڭ قاۋىپسىزدىك بولىمىمەن بىرلەسىپ, جاسىرىن ءىس-شارالاردىڭ ناتيجەسىندە تارازدىڭ №2 سوتى سۋدياسىنىڭ 2 ملن تەڭگە سوماسىندا پارا العانىن اشكەرەلەدى.
سۋديا سوتتالۋشىدان ءىس جۇرگىزۋ كەزىندە قىلمىستىق ءىس بويىنشا باس بوستاندىعىنان ايىرۋ ەمەس, باسقا جازا تاعايىنداعانى ءۇشىن اقشالاي قاراجات الدى دەگەن كۇدىككە ءىلىندى. «قىلمىستىق-پروتسەستىك كودەكستىڭ 550-بابىنىڭ تارتىبىمەن قازاقستان رەسپۋبليكاسىنىڭ باس پروكۋرورى سوتقا دەيىنگى تەرگەپ-تەكسەرۋدى جالعاستىرۋعا كەلىسىم بەردى. قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى», دەلىنگەن انتيكور مالىمدەمەسىندە.