اقوردا ءباسپاسوز قىزمەتى مەملەكەت باسشىسىنىڭ جارلىقتارىن جاريالادى, دەپ حابارلايدى Egemen.kz.
مۇحتار بەسكەن ۇلى تىلەۋبەردى قازاقستان رەسپۋبليكاسىنىڭ اۋستريا رەسپۋبليكاسىنداعى توتەنشە جانە وكىلەتتى ەلشىسى, قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى لاۋازىمىنا تاعايىندالدى.«قازاقستان رەسپۋبليكاسىنىڭ يسپانيا كورولدىگىندەگى توتەنشە جانە وكىلەتتى ەلشىسى دانات ءومىرباي ۇلى مۇساەۆ قازاقستان رەسپۋبليكاسىنىڭ اندوررا كنيازدىگىندەگى توتەنشە جانە وكىلەتتى ەلشىسى, بۇۇ دۇنيەجۇزىلىك تۋريزم ۇيىمى جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ تاعايىندالدى», دەلىنگەن حابارلامادا.
سونداي-اق مەملەكەت باسشىسىنىڭ جارلىعىمەن الىبەك اسەت ۇلى باقاەۆ قازاقستان رەسپۋبليكاسىنىڭ اۋستريا رەسپۋبليكاسىنداعى توتەنشە جانە وكىلەتتى ەلشىسى, قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى, قازاقستان رەسپۋبليكاسىنىڭ سلوۆەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى.