تۇركىستان وبلىسىندا ەكى اۋىلدىڭ اتاۋى وزگەرەدى, سول ەكى اۋىل سىرگەلى جانە ءال-فارابي بولىپ قايتا اتالادى, دەپ حابارلايدى Egemen.kz.
اشىق نورماتيۆتىك-قۇقىقتىق اكتىلەر پورتالىندا جاريالانعان تۇركىستان وبلىسى اكىمىنىڭ قاۋلىسىندا: «سارىاعاش اۋدانى, قابلانبەك اۋىلدىق وكرۋگىندەگى چيچەرينو اۋىلى سىرگەلى اۋىلى بولىپ اتالسىن; ماقتاارال اۋدانى, ماقتاارال اۋىلدىق وكرۋگىندەگى قازسسر-ءنىڭ 40 جىلدىعى اۋىلى ءال-فارابي اۋىلى بولىپ قايتا اتالسىن», دەلىنگەن.
جاڭا اتاۋلار جەرگىلىكتى تۇرعىنداردىڭ پىكىرلەرىن ەسكەرە وتىرىپ بەكىتىلگەن.
تۇركىستان وبلىسى اكىمدىگىنىڭ قاۋلىسى مەن تۇركىستان وبلىستىق ءماسليحاتىنىڭ شەشىمى العاشقى رەسمي جاريالانعاننان باستاپ ون كۇن وتكەن سوڭ قولدانىسقا ەنگىزىلەدى.