قازاقستان مەن قىتاي اراسىنداعى ۆيزاسىز رەجيم ءالى كۇشىنە ەنبەدى

«قازاقستان تاراپى بارلىق مەملەكەتىشىلىك ءراسىمدى اياقتادى جانە قر ۇكىمەتىنىڭ 2023 جىلعى 26 شىلدەدەگى قاۋلىسىمەن وسى كەلىسىمدى بەكىتتى. 28 شىلدەدە سىرتقى ىستەر مينيسترلىگى قىتاي حالىق رەسپۋبليكاسى سىرتقى ىستەر مينيسترلىگىنە حابارلاما جىبەردى. قازىر ءبىز قىتاي تاراپىنان ىشكى راسىمدەردىڭ اياقتالعانى تۋرالى ءتيىستى حابارلامانى كۇتىپ وتىرمىز», دەدى ايبەك سمادياروۆ مينيسترلىكتە وتكەن اپتالىق بريفينگتە. 

ونىڭ ايتۋىنشا, ءوزارا ۆيزاسىز رەجيمنىڭ كۇشىنە ەنۋى تۋرالى اقپارات قر سىرتقى ىستەر مينيسترلىگىنىڭ رەسمي ينتەرنەت-رەسۋرسىنا جاريالانادى.