سينوپتيكتەردىڭ بولجاۋىنشا, ەلىمىزدىڭ باسىم بولىگىندە تۇراقسىز اۋا رايى سيپاتى ساقتالادى.
«اتموسفەرالىق فرونتالدى بولىمدەردىڭ وتۋىنە بايلانىستى ەلىمىزدىڭ باسىم بولىگىندە اۋا رايىنىڭ تۇراقسىز سيپاتى ساقتالادى, جاڭبىر جاۋىپ, نايزاعاي ويناۋى ىقتيمال. قازاقستاننىڭ باتىسىندا عانا جاۋىن-شاشىنسىز اۋا رايى كۇتىلەدى. رەسپۋبليكامىز بويىنشا جەل ەكپىن الىپ, وڭتۇستىك وڭىردە شاڭدى داۋىل بولادى دەپ بولجانادى. سولتۇستىك وڭىردە تۇندە جانە تاڭەرتەڭ تۇمان ءتۇسىپ, كۇندىز ەلدىڭ سولتۇستىگى, ورتالىعىندا بۇرشاق جاۋى ىقتيمال», دەپ حابارلايدى «قازگيدرومەت» رمك.كۇندىز الماتى, اتىراۋ, باتىس قازاقستان, جەتىسۋ وبلىستارىندا, اقتوبە وبلىسىنىڭ وڭتۇستىگىندە, باتىسىندا سىناپ باعانى +35...39°س, ماڭعىستاۋ وبلىسىنىڭ وڭتۇستىگىندە, سولتۇستىك-باتىسىندا +38... +41°س كورسەتىپ, اپتاپ ىستىق بولادى دەپ بولجانادى.
كۇندىز جەتىسۋ وبلىسىنىڭ وڭتۇستىگىندە, شىعىسىندا, الماتى وبلىسىنىڭ ورتالىعىندا +40... +42°س قاتتى ىستىق بولادى.
اقمولا, اتىراۋ, باتىس قازاقستان, سولتۇستىك قازاقستان وبلىستارىنىڭ باتىسىندا, شىعىسىندا, پاۆلودار وبلىسىنىڭ وڭتۇستىگىندە, شىعىسىندا ءورت قاۋپى جوعارى ەكەنى ەسكەرتىلەدى.
ماڭعىستاۋ, تۇركىستان, الماتى, جامبىل, قىزىلوردا, شىعىس قازاقستان, قاراعاندى, ۇلىتاۋ, جەتىسۋ جانە اباي وبلىستارىندا, قوستاناي وبلىسىنىڭ وڭتۇستىگىندە, ورتالىعىندا, اقتوبە وبلىسىنىڭ وڭتۇستىگىندە, اتىراۋ ءوڭىرىنىڭ باتىسىندا, شىعىسىندا, اقمولا وبلىسىنىڭ وڭتۇستىگىندە, باتىسىندا توتەنشە ءورت قاۋپى ساقتالادى.